پرەزيدەنت جاڭا قارجى مينيسترىنە ءبىرقاتار ناقتى تاپسىرما بەردى

نۇر- سۇلتان. قازاقپارات - مەملەكەت باسشىسى قارجى ءمينيسترى ەرۇلان جاماۋبايەۆتى قابىلدادى، دەپ حابارلايدى اقوردا.

ەرۇلان جاماۋبايەۆ قاسىم- جومارت توقايەۆقا قارجى مينيسترلىگىنىڭ نەگىزگى جۇمىستارى تۋرالى ەسەپ بەردى. اتاپ ايتقاندا قازاقستان پرەزيدەنتىنە رەسپۋبليكالىق بيۋدجەتتىڭ ورىندالۋى مەن جوسپارلانۋى، مەملەكەتتىك ساتىپ الۋلار مەن قازىناشىلىق قىزمەت كورسەتۋ ءىسىنىڭ جۇزەگە اسىرىلۋى، مەملەكەتتىك اۋديت جۇرگىزۋ، مەملەكەتتىك اكتيۆتەردى باسقارۋ، سالىق جانە كەدەن سالالارىن اكىمشىلەندىرۋ، سونداي- اق، قارجىلىق قۇقىق بۇزۋشىلىقتاردى انىقتاۋ جايىندا باياندالدى.

مەملەكەت باسشىسى كولەڭكەلى ەكونوميكاعا قارسى كۇرەس، سالىق كولەمىن ءوسىرۋ، بيۋدجەتتىك راسىمدەردى وڭتايلاندىرۋ، كورسەتىلەتىن مەملەكەتتىك قىزمەت تۇرلەرىنىڭ ساپاسىن ارتتىرۋ جانە قارىزدىق شەكتەۋلەردى ساقتاۋ باعىتىندا جۇيەلى جۇمىس جۇرگىزۋ قاجەتتىگىن ايتتى. كەزدەسۋ سوڭىندا قاسىم- جومارت توقايەۆ سالىق جانە كەدەن سالالارىن اكىمشىلەندىرۋ، مەملەكەتتىك ساتىپ الۋ جانە بيۋدجەت ۇدەرىسىنە قاتىستى زاڭنامالاردى جەتىلدىرۋ ماسەلەلەرى بويىنشا ءبىرقاتار ناقتى تاپسىرما بەردى. ەسكە سالساق، 18- مامىر كۇنى ەرۇلان جاماۋبايەۆ ق ر قارجى ءمينيسترى بولىپ تاعايىندالعان ەدى.