قازاقستان پرەزيدەنتى ينۆەستيتسيا تارتۋدا ا ح ق و الەۋەتىن بەلسەندى پايدالانۋدى تاپسىردى
مەملەكەت باسشىسىنا «استانا» حالىقارالىق قارجى ورتالىعىنىڭ ەلدەگى قارجى نارىعىن دامىتۋ، ينۆەستورلار مەن قارجى قىزمەتتەرى تۇتىنۋشىلارىنىڭ قۇقىقتارى مەن مۇددەلەرىن قورعاۋ جانە ا ح ق و الاڭىندا ساۋدا- ينۆەستيتسيالىق ىنتىماقتاستىق بويىنشا اتقارىلاتىن جۇمىس جوسپارى تۋرالى باياندالدى. قاسىم- جومارت توقايەۆ داعدارىستان كەيىن ەكونوميكانى قايتا قالپىنا كەلتىرۋ كەزىندە ا ح ق و- نىڭ الدىنا قويىلعان مىندەتتەردى ءتيىمدى ىسكە اسىرۋدىڭ ماڭىزدىلىعىنا توقتالدى. وسى ورايدا قازاقستان پرەزيدەنتى ينۆەستيتسيا تارتۋ جانە مەملەكەتتىك اكتيۆتى جەكەشەلەندىرۋ بارىسىندا، قور نارىعىن دامىتۋدا ا ح ق و الەۋەتىن بەلسەندى پايدالانۋدى تاپسىردى. ال شارۋاشىلىق داۋلاردى شەشۋدە ا ح ق و سوتى مەن تورەلىك ورتالىعىنا بيزنەستىڭ قولجەتىمدىلىگىن قامتاماسىز ەتۋ ءتيىس.
سونىمەن قاتار پرەزيدەنت ا ح ق و ينۆەستيتسيالىق سالىق رەزيدەنتتىگى باعدارلاماسىن ىلگەرىلەتۋ ءۇشىن سىرتقى ىستەر مينيسترلىگى مەن مەملەكەتىمىزدىڭ شەتەلدىك وكىلدىكتەرىمەن بىرلەسكەن جۇمىستاردى جانداندىرۋدىڭ قاجەتتىلىگىن اتاپ ءوتتى. كەزدەسۋ بارىسىندا قايرات كەلىمبەتوۆ ورتالىقتىڭ ەكوجۇيەسى تولىق قالىپتاسقانىن، كارانتين شارالارى كەزىندە ونىڭ تۇراقتى جۇمىس ىستەگەنىن باياندادى. سونداي- اق قايرات كەلىمبەتوۆ قاسىم- جومارت توقايەۆقا قازاقستاندا العاش رەت ا ح ق و الاڭىندا بۇرىن- سوڭدى بولماعان قارجى قۇرالدارى ەنگىزىلگەنى، اتاپ ايتقاندا، يۋانمەن كورسەتىلگەن وبليگاتسيالار شىعارىلىپ، وبليگاتسيانىڭ يسلامدىق بالاماسى - سۋكۋكتىڭ كروسس- ليستينگى وتكىزىلگەنى تۋرالى ايتتى.
كەزدەسۋ سوڭىندا مەملەكەت باسشىسى «استانا» حالىقارالىق قارجى ورتالىعىن ودان ءارى دامىتۋ بويىنشا ءبىرقاتار ناقتى تاپسىرما بەردى.
