13:30, 20 - مامىر 2020 | GMT +5
الداعى ءۇش كۇندە نايزاعاي جارقىلداپ، بۇرشاق جاۋادى
نۇر-سۇلتان. قازاقپارات - سينوپتيكتەر الداعى ءۇش كۇنگە ارنالعان اۋا رايى بولجامىن جاريالادى، دەپ حابارلايدى قازاقپارات «قازگيدرومەت» ر م ك باسپا ءسوز قىزمەتىنە سىلتەمە جاساپ.
الداعى كۇندەرى انتيتسيكلوننىڭ اسەرىنەن قازاقستان رەسپۋبليكاسىنىڭ وڭتۇستىك جارتىسىندا جاۋىن-شاشىن توقتايدى. ال ەلدىڭ سولتۇستىك بولىگىندە نايزاعاي جارقىلداپ، جاڭبىر جانە بۇرشاق جاۋادى.
كەي جەرلەردە جەل كۇشەيىپ، وڭتۇستىكتە شاڭدى داۋىل سوعادى. ءۇشىنشى كۇنى رەسپۋبليكادا اۋا تەمپەراتۋراسى ايتارلىقتاي جوعارىلايدى.
