قاراعاندىدا بالالاردىڭ پاتەردە قامالىپ قالۋ وقيعاسى جيىلەپ كەتكەن

قاراعاندى. قازاقپارات - قاراعاندىدا قۇتقارۋشىلار پاتەردە قامالىپ قالعان بالالاردى بوساتتى، دەپ حابارلايدى قازاقپارات توتەنشە جاعدايلار كوميتەتىنە سىلتەمە جاساپ.

وقيعا قاراعاندىدا يازيەۆ كوشەسىندە بولعان. اناسى كىرەبەرىسكە شىققاندا بالاسى ەسىكتى ىشكى جاعىنان قۇلىپتاپ قويعان. سوسىن بالا ەسىكتى ءوزى اشا الماعاندىقتان ايەل قۇتقارۋ قىزمەتىن شاقىردى. قۇتقارۋشىلار وقيعا ورنىنا جەدەل جەتتى.

ولار پاتەرگە بالكوننىڭ تەرەزەسىنەن اۆتوباسپالداق ارقىلى كىردى. تاعى ءبىر وقيعا 12 مامىردا گاپەيەۆ كوشەسىندە بولعان. قاراعاندى ​​وبلىسى توتەنشە جاعدايلار دەپارتامەنتىنىڭ قىزمەتكەرلەرىن كورشى شاقىردى. قۇتقارۋشىلار اۆتوباسپالداقتىڭ كومەگىمەن بالكونعا كوتەرىلىپ، ەسىكتى اشىپ، قىزدى ۇيگە كىرگىزگەن. ال، پاتەردە بۇل كەزدە ءۇش جاسار بالا بولعان. قۇتقارۋشىلار مۇنداي وقيعانىڭ ءجيى كەزدەسەتىنىن ايتادى.

«بالالار ەسىكتىڭ ارتىندا قالاتىن جاعدايلار جەتەرلىك. پاتەردەن شىققىڭىز كەلسە، ەسىك جابىلماس ءۇشىن بارلىق شارالاردى قابىلداۋىڭىز كەرەك»، - دەيدى قاراعاندى وبلىسى ت ج د ءورت ءسوندىرۋ جانە اۆاريالىق-قۇتقارۋ جۇمىستارى قىزمەتى مامانداندىرىلعان جاساقتىڭ باستىعى دميتري ۆاسكوۆسكي.

بارلىق قۇتقارۋ جۇمىستارى ءساتتى اياقتالدى، بالالار اتا-اناسىمەن امان-ەسەن قاۋىشتى. جىل باسىنان بەرى وسىنداي 186 قۇتقارۋ وپەراتسياسى وتكىزىلگەن، سونىڭ ارقاسىندا 204 ادام قۇتقارىلدى، ونىڭ ىشىندە 78 بالا بار.