قاراكۇزەننەن ادامعا كوروناۆيرۋس جۇعۋ دەرەگى تىركەلدى

نۇر-سۇلتان. قازاقپارات – نيدەرلاندىداعى اڭ فەرماسىندا قاراكۇزەننەن كوروناۆيرۋس تارالۋ جاعدايى تىركەلدى.

بۇل تۋرالى ەلدىڭ اۋىل شارۋاشىلىق مينيسترلىگى ۇكىمەتكە جولداعان حاتىندا ايتىلعان، - دەپ حابارلايدى Reuters.

ساۋىردە COVID-19 نيدەرلاندىداعى فەرمالاردا ەكى قاراكۇزەننەن انىقتالعان. جانۋارلاردىڭ تىنىس الۋ جولدارى جانە اس قورىتۋ جۇيەسى ناشارلاعاننان كەيىن تەستتەن وتكىزگەن. جەرگىلىكتى بىردەن فەرمالاردى جاپقان. ءبىراق ۆيرۋستىڭ جانۋارلاردان بەرىلمەتىنىن ايتقان.

ەندى گوللاند ءمينيسترى كارولا سحاۋتەن بۇعان دەيىن COVID-19 جانۋاردان ادامعا تاراۋى مۇمكىن ەمەس دەگەن پىكىر قاتە ەكەنىن مويىنداعان.

جالپى كوروناۆيرۋس اۋا- تامشى جولدارى ارقىلى، ياعني، ناۋقاستىڭ تىنىس الۋ جولدارىنان بولىنەتىن تامشىلار ارقىلى، مىسالى، جوتەلگەندە، تۇشكىرگەندە تارايتىنى بەلگىلى.

بۇعان دەيىن كوروناۆيرۋس بىرنەشە يت پەن مىسىقتان، سونداي-اق ۆيرۋس جۇقتىرعان ادامدارمەن بايلانىستا بولعان جولبارىستان انىقتالعان. الايدا بۇل جانۋارلار ۆيرۋس تاسىمالداۋى مۇمكىن دەگەن ناقتى دالەل جوق ەكەن.