09:41, 20 - مامىر 2020 | GMT +5
برازيليا كوروناۆيرۋس جۇقتىرعاندار سانى بويىنشا الەمدە ءۇشىنشى ورىنعا شىقتى
برازيليا. قازاقپارات - سوڭعى ءۇش كۇن ىشىندە برازياليا كوروناۆيرۋس جۇقتىرعاندار سانى بويىنشا يسپانيا، يتاليا، فرانسيا مەن ۇلى بريتانيانى باسىپ وزدى، دەپ حابارلايدى قازاقپارات dw.com-عا سىلتەمە جاساپ.
رەسمي دەرەك بويىنشا، ەلدە 254220 ۆيرۋس جۇقتىرۋ جاعدايى تىركەلگەن. 19- مامىرداعى مالىمەت بويىنشا 24 ساعاتتا كوروناۆيرۋس جۇقتىرعان 13140 جاڭا جاعداي انىقتالعان.
سونىمەن قاتار، AFP اگەنتتىگىنىڭ حابارلاۋىنشا، لاتىن امەريكاسى ەلىندە جۇرگىزىلگەن تەستىلەۋدىڭ از بولۋىنا بايلانىستى اۋرۋ جۇقتىرعانداردىڭ ناقتى سانى 15 ەسە كوپ بولۋى مۇمكىن.
برازيليادا ۆيرۋس جۇقتىرعاندار سانىنىڭ تەز ءوسۋى كوروناۆيرۋس قاۋپىن جوققا شىعارىپ وتىرعان بۇل ەلدىڭ پرەزيدەنتى جايرا بولسونارۋعا دەگەن قىسىمدى كۇشەيتەدى، دەپ حابارلايدى Reuters.
