ەلوردا اۋەجايىندا بالاعات سويلەگەن جولاۋشى رەيستەن ءتۇسىرىلدى
«17 - مامىر كۇنى نۇر- سۇلتان قالاسى اۋەجايىنداعى جەلىلىك پوليتسيا ءبولىمىنىڭ كەزەكشى بولىمىنە «ەير- استانا» اۋە كومپانياسىنىڭ وكىلىنەن حابارلاما كەلىپ ءتۇستى. وندا «نۇر- سۇلتان- اقتاۋ» باعىتىنداعى رەيستىڭ جولاۋشىلارىنىڭ ءبىرىنىڭ ماساڭ كۇيدە ءوزىن دورەكى ۇستاپ، قوعامدىق ورىندا بالاعات سوزدەر ايتقاندىعى اتاپ وتىلگەن. تەكسەرۋ بارىسىندا كولىك پوليتسەيلەرى اقتاۋ قالاسىنىڭ 55 جاستاعى تۇرعىنىن انىقتادى» ، - دەلىنگەن كولىكتەگى پوليتسيا دەپارتامەنتىنىڭ باسپا ءسوز قىزمەتى مالىمەتىندە.
اتالعان فاكتى بويىنشا ق ر ا ق ب ت ك- ءنىڭ 440 جانە 434 باپتارى، ياعني، الكوگولدىك ىشىمدىكتەردى ءىشۋ نەمەسە قوعامدىق ورىندارعا ماس كۇيىندە كەلۋ جانە ۇساق بۇزاقىلىق بويىنشا اكىمشىلىك حاتتامالار تولتىرىلدى. نۇر- سۇلتان قالالىق مامانداندىرىلعان اۋدانارالىق اكىمشىلىك سوتىنىڭ شەشىمىمەن ءتارتىپ بۇزۋشىعا 10 اەك كولەمىندە ايىپپۇل سالىندى.
«اتالعان ازامات اۋە رەيستەرىنىڭ ەلىمىزدىڭ قالالارى اراسىندا جاڭارتىلعاننان كەيىن اكىمشىلىك قۇقىقبۇزۋشىلىق جاساعانى ءۇشىن ۇشاقتان تۇسىرىلگەن العاشقى جولاۋشى بولىپ وتىر» ، - دەپ ناقتىلادى كولىك پوليتسەيلەرى.
ەسكە سالا كەتەيىك، 1 - مامىردان باستاپ قازاقستان قالالارى اراسىندا اۋەرەيستەرىنىڭ ۇشۋى جاڭارتىلا باستاعان بولاتىن. بيىلدىڭ باسىنان بەرى ەلىمىزدىڭ كولىك پوليتسەيلەرى ءتۇرلى اكىمشىلىك قۇقىق بۇزۋشىلىقتار ءۇشىن 16873 ازاماتتى اكىمشىلىك جاۋاپكەرشىلىككە تارتتى. ونىڭ ىشىندە الكوگولدىك ىشىمدىكتەردى ىشكەنى جانە قوعامدىق ورىندارعا ماس كۇيىندە كەلگەنى ءۇشىن 1631, ۇساق بۇزاقىلىق جاساعانى ءۇشىن 318 ادام جازالاندى.
