توقايەۆ: ە ا ە و ينتەگراتسياسىنىڭ ستراتەگيالىق باعىتتارى قوسىمشا تالقىلانۋى كەرەك
«جوعارى ەۋرازيالىق ەكونوميكالىق كەڭەستە بەلارۋستىڭ ءتوراعالىعى كۇردەلى جاعدايدا ءوتىپ جاتىر. ءساۋىر ايىندا الەكساندر لۋكاشەنكونىڭ (بەلارۋس پرەزيدەنتى- اۆت. ) باستاماسىمەن ءبىز جوعارى كەڭەستىڭ جۇمىس وتىرىسىن جاڭا فورماتتا وتكىزگەن ەدىك. تسيفرلاندىرۋ دامىپ كەلە جاتقان داۋىردە جەدەل شەشىم قابىلداۋدا جۇمىستىڭ بۇل فورماتى ەداۋىر ماڭىزدى ءارى ءتيىمدى دەپ ەسەپتەيمىن. شاعىن قۇرامداعى كۇن ءتارتىبىنىڭ جوباسىنا ءبىزدىڭ ينتەگراتسيانىڭ بولاشاعى مەن ەۋرازيالىق ەكونوميكالىق ينتەگراتسيانىڭ 2025 -جىلعا دەيىنگى ستراتەگيالىق باعىتتارىنا قاتىستى ماڭىزدى ماسەلەلەر ەنەدى. جالپى ونىڭ قابىلدانۋىن قولدايمىن. ايتسە دە وندا قوسىمشا تالقىلاۋدى قاجەت ەتەتىن ماسەلەلەر بار دەپ ەسەپتەيمىن»، - دەدى قاسىم- جومارت توقايەۆ جوعارى ەۋرازيالىق ەكونوميكالىق كەڭەستىڭ ونلاين رەجيمدەگى وتىرىسىندا.
پرەزيدەنت ءوز سوزىندە ينتەگراتسيانىڭ نەگىزگى كونتۋرلارىن تۇزەتەتىن اتالعان قۇجاتتىڭ ماڭىزىن ەسكەرە وتىرىپ، قوسىمشا تالقىلاۋدان وتكىزىپ، قابىلداۋ كەرەكتىگىن ايتىپ ءوتتى.
«ەرتە مە، كەش پە - ءبىر- بىرىمىزبەن كەزدەسەمىز. قازىر قۇجاتقا قاتىستى كەيبىر پىكىرىمدى بىلدىرسەم دەيمىن. بىرىنشىدەن العا جىلجۋدىڭ بەرىك ىرگەتاسىن قالاۋ كەرەك دەپ ەسەپتەيمىن. تاۋارلاردىڭ ءىس جۇزىندە، كەدەرگىسىز ءارى شەكتەۋسىز قوزعالىسىن قامتاماسىز ەتۋ كەرەك. سەكتورداعى تاراپتاردىڭ كەلىسۋىمەن قىزمەتتەردىڭ ءبىرىڭعاي نارىعىن قۇرىپ، ورتاق ەنەرگەتيكالىق جانە قارجىلىق نارىققا دايىن بولعان ابزال. ءسوزسىز ءبىزدىڭ مەملەكەتتەرىمىزدىڭ اراسىنداعى سەرىكتەس جان- جاقتى سيپاتقا يە. ول - ەكونوميكالىق، الەۋمەتتىك جانە گۋمانيتارلىق سالانىڭ بارلىق سپەكترىن قامتيدى. بۇل ماسەلەلەردىڭ ءبارىن ەۋرازيالىق ەكونوميكالىق كوميسسيانى تارتا وتىرىپ، بەسجاقتى فورماتتا قاراستىرۋ - ونىڭ شىنايى جۇزەگە اسۋىن كۇردەلەندىرۋى مۇمكىن. دەنساۋلىق ساقتاۋ، ءبىلىم، عىلىم ماسەلەلەرىن ەۋرازيالىق ەكونوميكالىق كوميسسيانىڭ قۇزىرەتىنە ەنگىزۋ - ونىڭ ەكونوميكالىق باعىتتارىن دا وزگەرتىپ جىبەرۋى مۇمكىن. باسقاشا ايتقاندا بۇل 2015 -جىلى قۇرىلعان ەۋرازيالىق ەكونوميكالىق وداقتى قۇرۋ كەلىسىمىنىڭ ءمانىنىڭ وزىنە قايشى كەلۋى ىقتيمال. سول سەبەپتى بۇل باعىتتا ستراتەگيالىق باعىتتاردىڭ جوباسىنىڭ شەگىندە ارەكەت ەتكەن، ياعني ونى ەكونوميكا سالاسى رەتىندە قاراستىرعان ابزال»، - دەدى مەملەكەت باسشىسى.
اۆتور: ايان بەكەن ۇلى
