كيتتى قۇتقارعان اۋستراليالىققا ايىپپۇل سالىندى
كيت سەيسەنبى كۇنى گولد- كوست (كۆينسلەند شتاتى) قالاسىندا اكۋلادان قورعايتىن تورعا ءتۇسىپ قالعان. ونى كورگەن ەر ادام كومەك سۇراۋ ءۇشىن بىردەن بيلىككە جۇگىنگەن. ءبىراق، بىرنەشە ساعات كۇتكەننەن كەيىن ءوز قايىعىمەن ءجۇزىپ بارىپ، كيتتى بوساتۋعا ارەكەتتەنگەن. ول اۋستراليالىق ب ا ق- قا جاعالاۋعا قايتا ورالعان سوڭ وزىنە ايىپپۇل سالىنعانىن حابارلاعان. ايىپپۇل سالۋدىڭ ناقتى سەبەبى جازىلماعان. ءبىراق كۆينسلەند شتاتىنىڭ زاڭى بويىنشا كيتكە تىم قاتتى جاقىنداۋعا بولمايدى.
«مەن تەك كيتتى توردان بوساتۋعا تىرىستىم»، - دەدى ول ا ۆ س- گە. ەر ادام وزىمەن بىرگە بولعان پىشاقپەن كيتتىڭ جۇزبەقاناتىن توردان بوساتقان. ونىڭ قۇتقارۋ ءساتىن كوپتەگەن ادام جاعالاۋدان باقىلاپ تۇرعان. اكۋلالاردىڭ جاعالاۋعا جاقىنداماۋى ءۇشىن ورناتىلعان تورلار باسقا جانۋارلارعا كەدەرگى كەلتىرەتىندىكتەن، ءالى دە داۋ تۋدىرىپ كەلەدى. بىلتىر شتاتتىڭ تورلارىنا كەم دەگەندە بەس كيت وراتىلىپ قالعان ەكەن.
