موبيلدىك قوسىمشا ارقىلى ءپىتىر- ساداقا قالاي اۋدارىلادى
بۇل تۋرالى Facebook-تەگى پاراقشاسىندا «Астана Innovations» ا ق باسپا ءسوز حاتشىسى اسەل ءالىمحانوۆا ءمالىم ەتتى، دەپ حابارلايدى قازاقپارات ءتىلشىسى.
ءمالىم ەتىلگەندەي، موبيلدىك قوسىمشا ارقىلى بەس مەشىتكە قايىرىمدىلىق قاراجاتىن اۋدارۋعا بولادى. ولار - حازىرەت سۇلتان، ىرىسكەلدى قاجى، Aq meshit، نۇر استانا، ءال- عاني مەشىتتەرى. اقشا اۋدارۋ ءۇشىن «مەنىڭ تولەمدەرىم» بولىمىنە كىرىپ، «قايىرىمدىلىق» - «ساداقا بەرۋ» ايدارىن باسۋ كەرەك.
ەلوردالىقتار بۇگىنگە دەيىن ق م د ب بەكىتكەن 370 تەڭگە كولەمىندەگى ءپىتىر- ساداقانى «Smart Astana» ارقىلى جىبەرىپ، ونىڭ جالپى سوماسى 700 مىڭ تەڭگەگە جەتكەن. سونىمەن قاتار اۋدارعان اقشاڭىز قايدا جانە قاشان تۇسكەنىن دە باقىلاۋعا بولادى.
«Wooppay قىزمەتىن ەرەكشە اتاپ وتكىم كەلەدى. ماماندار ءسىزدىڭ تولەمىڭىزدى ءتيىستى پارامەترلەر بويىنشا بىردەن اۋدارىپ وتىرادى. بانك كوميسسيالارىنىڭ ءبارىن Wooppay ءوزى وتەيدى»، - دەيدى كومپانيانىڭ باسپا ءسوز حاتشىسى.
ايتا كەتەرلىگى بىلتىر استانا Innovations قايىرىمدىلىق ۇيىمىنىڭ كراۋدفاندينگتى پلاتفورماسىن ىسكە قوسقان ەدى. بۇگىن دە تۇرعىنداردىڭ بەلسەندىلىگى بايقالادى. كەز كەلگەن ازامات قايىرىمدىلىق جوباسىنىڭ پايداسىنا اقشا اۋدارا الادى.
اۆتور: ايان بەكەن ۇلى
