قازاقستاندا كوروناۆيرۋسقا قارسى ۆاكسينا سىناقتان وتكىزىلە باستادى
وسىلايشا، قازاقستان رەسمي تۇردە COVID-19 ۆيرۋسىنا قارسى ۆاكسينا ازىرلەۋشى ەلدەر قاتارىنا قوسىلدى.
دۇنيەجۇزىلىك دەنساۋلىق ساقتاۋ ۇيىمى قازاقستاندىق عالىمداردىڭ ازىرلەمەسىن تىركەۋگە الىپ، ءوزىنىڭ رەسمي سايتىنداعى كلينيكاعا دەيىنگى سىناۋدى باستاۋعا رۇقسات ەتىلگەن COVID-19 قارسى ۆاكسينا جاساۋشى ۇمىتكەرلەر تىزىلىمىنە قوستى.
يناكتيۆتەندىرىلگەن ۆاكسينانى ق ر ب ع م عىلىم كوميتەتى بيولوگيالىق قاۋىپسىزدىك پروبلەمالارىن عىلىمي-زەرتتەۋ ينستيتۋتىنىڭ قىزمەتكەرلەرى ازىرلەگەن.
ول قازاقستان اۋماعىندا ناۋقاستانعان ادامداردان بولىنگەن ۆيرۋس شتاممىنىڭ نەگىزىندە جاسالدى. وسىعان بايلانىستى قازاقستان رەسپۋبليكاسىنىڭ ءبىلىم جانە عىلىم ءمينيسترى اسحات ايماعامبەتوۆ عىلىمي-زەرتتەۋ ينستيتۋتىنىڭ قىزمەتكەرلەرىن قۇتتىقتادى.
«بۇل قازاقستاندىق عىلىمنىڭ مەملەكەتىمىزدىڭ بيولوگيالىق قاۋىپسىزدىگىن قامتاماسىز ەتۋگە قوسقان ەلەۋلى ۇلەسى، سونداي-اق ەلدىڭ مىقتى عىلىمي الەۋەتىنىڭ دالەلى. ينستيتۋت ۇجىمى قاۋىپتى جانە اسا قاۋىپتى اۋرۋلارعا قارسى ۆاكسينالاردىڭ جاڭا تۇرلەرىن ازىرلەۋدە ءوزىنىڭ جەتەكشى ءرولىن تاعى ءبىر مارتە كورسەتتى» دەلىنگەن جەدەلحاتتا.
ەندى ينستيتۋت عالىمدارى كلينيكاعا دەيىنگى جانە كلينيكالىق سىناق جۇرگىزۋى كەرەك. ەستەرىڭىزگە سالا كەتسەك، بۇل ينستيتۋت قازىردىڭ وزىندە قاۋىپتى جانە اسا قاۋىپتى اۋرۋلارعا قارسى ۆاكسينالاردىڭ 67 ءتۇرىن، 15 تەست-جۇيەسىن جانە 30 دان استام بيوپرەپاراتتى ازىرلەپ، وندىرىسكە ەنگىزدى. ولاردىڭ اراسىندا قۇستاردىڭ جوعارى پاتوگەندى تۇماۋىنا، جوعارى پاتوگەندى شوشقا تۇماۋىنا، نودۋليارلىق دەرماتيتكە قارسى ۆاكسينالار، سونداي-اق برۋتسەللەزگە قارسى جاڭا ۆەكتورلىق ۆاكسينا دا بار.
