08:08, 18 - مامىر 2020 | GMT +5
جوشى حان تاريحي-مادەني كەشەنىنىڭ قۇرىلىسى باستالدى
نۇر-سۇلتان. قازاقپارات - مەملەكەت باسشىسى قاسىم-جومارت توقايەۆتىڭ تاپسىرماسى ورىندالىپ جاتىر، دەپ جازدى بۇگىن ءوزىنىڭ Facebook پاراقشاسىندا ۇلىتاۋ اۋدانىنىڭ اكىمى بەرىك ءابدىعالي.
«ۇكىمەت پەن دەمەۋشىلەردىڭ قولداۋىمەن جوشى حان تاريحي-مادەني كەشەنىنىڭ قۇرىلىسى باستالىپ كەتتى. كەشەندە جوشىنىڭ ۇرپاقتارىنا، ۇلىق ۇلىس، التىنوردا، قازاق حاندىعىنا ارنالعان ەكسپوزيتسيالىق زال جانە شاعىن اسحانا مەن قوناق ءۇي سالۋ جوسپارلانعان. سونىمەن قاتار، الاشا حان، جوشى حان مازارلارىنا رەستاۆراتسيا جۇمىستارى باستالىپ، اپاراتىن ارنايى جول قۇرىلىسى جۇرگىزىلەدى. قۇداي قالاسا، كۇزدە كەشەننىڭ ەسىگى اشىلۋى كۇتىلۋدە»، - دەپ جازدى بەرىك ءابدىعالي.
