ق ر پرەزيدەنتىنىڭ تۋعان كۇنىنە وراي ءبىرقاتار شەت مەملەكەتتەردىڭ باسشىلارى قۇتتىقتاۋ جولدادى

نۇر-سۇلتان. قازاقپارات - قاسىم-جومارت توقايەۆتىڭ تۋعان كۇنىنە وراي شەت مەملەكەتتەر باسشىلارىنان، ۇكىمەت جانە پارلامەنت ءتوراعالارىنان، شەتەلدىك مەملەكەتتىك ورگانداردىڭ، حالىقارالىق ۇيىمدار مەن ديپلوماتيالىق ميسسيالاردىڭ، كوممەرتسيالىق مەكەمەلەردىڭ جەتەكشىلەرىنەن، ءدىن، شىعارماشىلىق جانە عىلىمي زيالى قاۋىم وكىلدەرىنەن قۇتتىقتاۋلار كەلىپ ءتۇستى.

بۇل تۋرالى اقوردانىڭ باسپا ءسوز قىزمەتى حابارلادى. رەسەي پرەزيدەنتى ۆلاديمير پۋتين، وزبەكستان پرەزيدەنتى شاۆكات ميرزيەيەۆ، قىرعىزستان پرەزيدەنتى سوورونباي جەەنبەكوۆ جانە ازەربايجان پرەزيدەنتى يلحام اليەۆ قاسىم-جومارت توقايەۆتى تۋعان كۇنىمەن تەلەفون ارقىلى قۇتتىقتادى.

سونىمەن قاتار قازاقستان پرەزيدەنتىنىڭ اتىنا ق ح ر ءتوراعاسى شي جينپيڭ، بەلارۋس پرەزيدەنتى الەكساندر لۋكاشەنكو، يتاليا پرەزيدەنتى سەردجو ماتتارەللا، كورەيا رەسپۋبليكاسىنىڭ پرەزيدەنتى مۋن چجە ين، سەربيا پرەزيدەنتى الەكساندر ۆۋچيچ، ۋكراينا پرەزيدەنتى ۆلاديمير زەلەنسكي، تاجىكستان پرەزيدەنتى ەمومالي راحمون، تۇرىكمەنستان پرەزيدەنتى گۋربانگۋلى بەردىمۇحامەدوۆ، ارمەنيا پرەزيدەنتى ارمەن ساركيسيان، ارمەنيا پرەمەر-ءمينيسترى نيكول پاشينيان، مولدوۆا پرەزيدەنتى يگور دودون، رەسەي ۇكىمەتىنىڭ ءتوراعاسى ميحايل ميشۋستين، بۇدان بولەك رەسەيدىڭ فەدەرالدىق جينالىسى فەدەراتسيا كەڭەسىنىڭ ءتوراعاسى ۆالەنتينا ماتۆيەنكو، ت م د اتقارۋشى حاتشىسى - اتقارۋ كوميتەتىنىڭ ءتوراعاسى سەرگەي لەبەديەۆ، ۇجىمدىق قاۋىپسىزدىك شارت ۇيىمىنىڭ باس حاتشىسى ستانيسلاۆ زاس، تۇركىتىلدەس مەملەكەتتەردىڭ ىنتىماقتاستىق كەڭەسىنىڭ باس حاتشىسى باعدات امىرەيەۆ، تۇركپا باس حاتشىسى التىنبەك مامايۋسۋپوۆ، ماسكەۋ جانە بۇكىل رۋس پاتريارحى كيريلل جانە باسقالار قۇتتىقتاۋ جەدەلحاتتارىن جولدادى.

مەملەكەت باسشىسىن تۋعان كۇنىمەن قۇتتىقتاعان جەدەلحاتتار تولاسسىز كەلىپ جاتىر.