14:53, 17 - مامىر 2020 | GMT +5
يتاليا ەۋرووداق ەلدەرىنە شەكاراسىن اشادى
نۇر-سۇلتان. قازاقپارات - يتاليا 3- ماۋسىمنان باستاپ ەۋرووداق ەلدەرىنە شەكاراسىن اشادى.
سونداي-اق، ۇشىپ كەلگەن شەتەلدىكتەر ەكى اپتالىق كارانتينگە جاتقىزىلمايدى، دەپ حابارلايدى قازاقپارات euronews-كە سىلتەمە جاساپ.
بيلىك ورگاندارى ەپيدەميولوگيالىق جاعدايدىڭ تۇراقتانۋىنا بايلانىستى وقشاۋلاۋدى الىپ تاستاۋ تۋرالى شەشىم قابىلدادى.
شەكارانى تەزدەتىپ اشۋ جونىندە ەلدىڭ %14 ءى ج و- ءنى قامتاماسىز ەتىپ وتىرعان ەلدىڭ تۋريستىك سالاسى وتىنگەن. دەگەنمەن بيلىك ورگاندارى، ەپيدەميولوگيالىق جاعداي ناشارلايتىن بولسا، بۇل مەرزىم كەيىنگە شەگەرىلۋ مۇمكىن ەكەندىگىن ەسكەرتەدى.
ايتا كەتسەك، يتاليا ەۋرووداققا كىرمەيتىن ەلدەردىڭ قوناقتارىنا كەم دەگەندە ماۋسىمنىڭ ورتاسىنا دەيىن جابىق كۇيىندە قالا بەرمەك.
بۇل شەكتەۋدىڭ قاشان جانە قانداي جاعدايدا الىنىپ تاستالاتىندىعىن ەۋروكوميسسيا شەشەتىن بولادى.
