قاسىم-جومارت توقايەۆ تۋعان كۇنىن قالاي اتاپ وتەدى - بەرىك ءۋالي
«مەملەكەت باسشىسى تۋعان كۇنىن قالاي اتاپ وتەدى؟» دەگەن ساۋال جولداپ جاتىر. بيىلعى 17 - مامىر جەكسەنبى كۇنىنە سايكەس كەلىپ وتىر. سوندىقتان قاسىم-جومارت كەمەل ۇلى ۇيىندە جۇمىس ىستەيدى. اتالعان داتاعا وراي ەشقانداي شارا وتپەيدى. ءتىپتى، پرەزيدەنت اكىمشىلىگىنىڭ قىزمەتكەرلەرىنە تۋعان كۇنىمەن قۇتتىقتاماۋ، ەستەلىك سىيلىقتار تارتۋ ەتپەۋ تۋرالى ەسكەرتۋ جاسالدى. پرەزيدەنت بۇل كۇندى تويلاعاندى ۇناتپايدى. ويتكەنى ول كىسىنىڭ وتباسىندا بالالاردىڭ دا، ەرەسەكتەردىڭ دە تۋعان كۇنى تويلانبايدى ەكەن. ونداي ءداستۇر قالىپتاسپاعان»، - دەپ جازدى پاراقشاسىندا بەرىك ءۋالي.
دەگەنمەن ەرتەڭ قاسىم-جومارت كەمەل ۇلىن تۋعان كۇنىمەن كورشىلەس مەملەكەتتەردىڭ باسشىلارى تەلەفون ارقىلى قۇتتىقتايدى دەپ كۇتىلۋدە. قازىردىڭ وزىندە كوپتەگەن مەملەكەت جانە ۇكىمەت باسشىلارىنىڭ، پارلامەنت ءتوراعالارى مەن حالىقارالىق ۇيىم جەتەكشىلەرىنىڭ قۇتتىقتاعان جەدەل حاتتارى كەلىپ جاتىر.
«مۇنداي قۇتتىقتاۋلار ەرتەڭ كەشكە دەيىن ءالى دە جالعاسا بەرەدى دەپ ويلايمىن»، - دەپ جازدى پرەزيدەنتتىڭ باسپا ءسوز حاتشىسى.
