ەلوردادا قىزمەتىنە تىيىم سالىنعان نىسانداردىڭ ءتىزىمى جاريالاندى

نۇر- سۇلتان. قازاقپارات - نۇر- سۇلتان قالاسىنىڭ باس سانيتار دارىگەرى جاننا پرالييەۆا قالاداعى كارانتين اياسىندا جۇمىسىنا رۇقسات ەتىلمەگەن نىسانداردىڭ ءتىزىمىن جاريالادى، دەپ حابارلايدى قازاقپارات ءتىلشىسى.

«تويلاردى، اۋىزاشارلاردى ۇيىمداستىرۋعا تىيىم سالىنعان. سونىمەن قاتار، ويىن- ساۋىق جانە سپورتتىق، بۇقارالىق شارالاردى وتكىزۋگە رۇقسات ەتىلمەگەن»، - دەدى ج. پراليەۆا ونلاين باسپا ءسوز ءماسليحاتىندا.

ونىڭ سوزىنە قاراعاندا، ساۋدا ويىن- ساۋىق ورتالىقتارىنىڭ، كينوتەاترلاردىڭ، تەاترلاردىڭ، كورمەلەردىڭ، سونداي- اق ادام كوپتەپ جينالاتىن وزگە دە نىسانداردىڭ جۇمىسىنا دا تىيىم سالىنعان. «مۇنىمەن قوسا، باسسەيندەردى، مونشالاردى، ساۋنالاردى، كوسمەتولوگيالىق ورتالىقتاردى، فيتنەس- ورتالىقتاردى، ترەناجەرلىك زالداردى، ماسساج سالوندارىن، تۇنگى كلۋبتار مەن كاراوكەلەردى، لاۋندج بارلاردىڭ قىزمەتىن اشۋعا تىيىم سالىنادى»، - دەدى جاننا پرالييەۆا.

بۇدان بۇرىن حابارلانعانداي، بيىل 18- مامىردان باستاپ مەنشىك نىسانىنا قاراماستان مەكتەپكە دەيىنگى بارلىق ءبىلىم بەرۋ مەكەمەلەرى كەزەكشى توپ رەجيمىندە جۇمىستارىن باستاۋعا دايىن. سونىمەن قاتار، ارنايى ۇيىمدار، پسيحولوگيالىق- مەديتسينالىق ءارى پەداگوگيكالىق كونسۋلتاتسيالار، پسيحولوگيالىق- پەداگوگيكالىق تۇزەۋ كابينەتتەرى، وڭالتۋ ورتالىقتارى 18 - مامىردان جۇمىسىن باستاۋدى جوسپارلاپ وتىر.

اۆتور: رۋسلان عابباسوۆ