سولتۇستىك قازاقستاندا جوعالعان ءبىر وتار قوي بەس تاۋلىكتەن كەيىن شاشاۋ شىقپاي تابىلدى
س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، 11 - مامىر كۇنى قىزىلجار اۋداندىق پوليتسيا بولىمىنە «كراحمال- اگرو» ج ش س بريگاديرى حابارلاسىپ، سەنبى كۇنى شاحوۆسكوە اۋىلىنان 10 ك م جەردەگى جايىلىمنان 310 باس قويدىڭ جوعالعانى تۋرالى ايتادى. وقيعا ورنىنا شۇعىل جەدەل- تەرگەۋ توبى باردى. ماتەريالداردى جيناۋ بارىسىندا باقتاشىنىڭ تۇستەن كەيىن ۇيىقتاپ قالىپ، قويدىڭ جوعالعانى بەلگىلى بولدى. ءبىر وتار قويدى ورنىنان تاپپاعان اۋىل تۇرعىن الدىمەن ءوزى ىزدەگەن. تەك ەكى تاۋلىك وتكەننەن كەيىن عانا قويدىڭ جوعالعانى تۋرالى باسشىلىعىنا ايتقان.
كاسىپكەر جوعالعان مالدىڭ قۇنىن 7 ميلليون 750 مىڭ تەڭگەگە باعالادى. پوليتسەيلەر 310 قويدى ءيىسشىل يتتەرمەن، كۆادروكوپتەردى پايدالانىپ ىزدەدى. ولارعا ارىپتەستەرى - اققايىڭ، ماعجان جۇمابايەۆ اۋدانى پوليتسيا بولىمدەرىنىڭ جانە «كراحمال- اگرو» ج ش س قىزمەتكەرلەرى جانە جاقىن ماڭداعى ەلدىمەكەندەردىڭ ادامدارى كومەككە كەلدى. ءتارتىپ ساقشىلارىنا اققايىڭ اۋدانى گريگوريەۆكا ەلدى مەكەنى ماڭىندا ۇساق مالدىڭ ءىزىن كورگەندەر حابارلاسىپ، اۋىلعا قىزىلجار اۋدانى پوليتسيا ءبولىمى باستىعىنىڭ ورىنباسارى ارمان جەتەپوۆتىڭ جەتەكشىلىگىمەن جەدەل- تەرگەۋ توبى اتتاندى. ناتيجەسىندە جوعالعان قوي ورماننان تابىلدى. قوي شاحوۆسكوە اۋىلىنان 50 شاقىرىمعا ۇزاپ كەتكەن. بۇعان دەيىن «مال ۇرلاۋ» بابى بويىنشا قوزعالعان قىلمىستىق ءىس قىلمىس قۇرامىنىڭ بولماۋىنا بايلانىستى توقتاتىلدى.
