الماتىداعى ەرەۋىل: پوليتسيا اقپاراتتى جوققا شىعاردى

الماتى. قازاقپارات - الماتى پوليتسياسى سايران اۆتوۆوكزالى ماڭىندا جينالعان كوپ ادامنىڭ ۆيدەوسىنا قاتىستى تۇسىنىك بەردى، دەپ حابارلايدى قازاقپارات ءتىلشىسى.

بۇل روليك الەۋمەتتىك جەلىدە تارالعان. بەينەكادردا اسكەري كامازدار مەن اسكەري قىزمەتشىلەر، كوپ ادام ءتۇسىپ قالعان. ۆيدەو اۆتورى كادر سىرتىنان «ەرەۋىل باستالدى» دەپ حابارلادى. قالالىق پوليتسيا دەپارتامەنتىنىڭ حابارلاۋىنشا، وقيعا م. اۋەزوۆ اۋدانىندا كەشە بولعان.

«ۆيدەودا قوردايدان كەلگەن ساربازداردى تۋىستارى كۇتىپ الىپ جاتقانى تۇسكەن»، - دەدى قالالىق پوليتسيا دەپارتامەنتىنەن. پوليتسيا «ەرەۋىل» تۋرالى جالعان اقپارات تاراتقان ادامدى انىقتادى.

«ونىڭ بۇل ارەكەتىنە قۇقىقتىق تۇرعىدان باعا بەرىلەتىن بولادى. ول زاڭ بويىنشا جاۋاپ بەرەدى»،- دەدى پ د.