كارانتين نۇر- سۇلتان مەن الماتى ەكولوگياسىنا قالاي اسەر ەتتى
بۇل سۇراققا ەكولوگيا، گەولوگيا جانە تابيعي رەسۋرستار ۆيتسە- ءمينيسترى احمەتجان ءپىرىمقۇلوۆ جاۋاپ بەردى، دەپ حابارلايدى قازاقپارات ءتىلشىسى.
«وبلىس ورتالىقتارى مەن قالالاردىڭ بارىندە «قازگيدرومەت» كۇندەلىكتى مونيتورينگ جۇرگىزىلىپ وتىرادى. 20 - ناۋرىزدان، ياعني كارانتيننىڭ العاشقى كۇنىنەن باستاپ مينيسترلىك قوعام وكىلدەرىمەن بىرگە الماتى مەن نۇر- سۇلتان قالالارىندا اتموسفەرالىق اۋاعا مونيتورينگ جۇرگىزدى. تالداۋ جۇمىستارى كورسەتىپ وتىرعانداي، الماتىنىڭ تومەنگى بولىگىندە PM 2,5, PM10 ولشەمدى بولشەكتەرى بويىنشا كونتسەنتراتسيانىڭ ارتقانى بايقالادى. بۇل لاستانۋ جاعدايى ج ە و-2، ج ە و-3 جۇمىسىنا ءتان سيپات. الايدا قالانىڭ جوعارى بولىگىندە ازوت وكسيدى، ازوت ديوكسيدىنىڭ تومەندەگەنى بايقالادى. فەنول كونتسەنتراتسياسى وتكەن جىلعا قاراعاندا 60 ەسە تومەندەگەنى بايقالادى. بۇل دەگەنىڭىز اۆتوكولىكتەن بولىنگەن قالدىقتىڭ ازايعانىن كورسەتەدى» ، - دەدى احمەتجان ءپىرىمقۇلوۆ و ك ق- دا ونلاين رەجيمدە وتكەن باسپا ءسوز ءماسليحاتىندا.
ۆيتسە- ءمينيستردىڭ ايتۋىنشا، ەلوردادا اۆتوكولىكتەن بولىنەتىن قالدىق مولشەرى دە ازايعان. «الايدا ج ە و سەكىلدى ءىرى وندىرىستىك كاسىپورىنداردىڭ جۇمىسى جالعاسۋدا. ولاردان شىعاتىن قالدىق بارشىلىق»، - دەدى ول. احمەتجان ءپىرىمقۇلوۆتىڭ سوزىنە قاراعاندا، ج ە و-2، ج ە و-3 ءوندىرىس وشاقتارىن گازعا اۋىستىرۋ، تازارتۋ قۇرىلىمدارىن ازىرلەۋ، جاسىل الاڭداردىڭ اۋماعىن كەڭەيتۋ تۋرالى الماتى اكىمدىگىمەن بىرلەسكەن جول كارتاسى ازىرلەنۋدە.
