قازاقستان شيپاجايىنىڭ باسشىسى ۇستالدى
سوڭعى ۋاقىتتا الەۋمەتتىك جەلىلەردە جانە كەيبىر ب ا ق- تاردا تەرگەۋگە قىسىم كورسەتۋ ماقساتىندا «ساناتوري قازاقستان» ا ق- نىڭ بۇرىنعى پرەزيدەنتى ق. سۇلتانعا قاتىستى قىلمىستىق ءىس تۋرالى ءتۇرلى جالعان جانە بولجامدى اقپاراتتار جاريالانۋدا.
وسىعان بايلانىستى ءى ءى م تەرگەۋ دەپارتامەنتى ق. سۇلتانعا جانە باسقا دا ادامدارعا قاتىستى سوتقا دەيىنگى تەرگەۋ جۇرگىزىلەتىنىن حابارلايدى. وعان ق ر قىلمىستىق كودەكسىنىڭ 189-بابى 4-بولىگى (سەنىپ تاپسىرىلعان بوتەن مۇلىكتى اسا ءىرى مولشەردە يەمدەنۋ نەمەسە ىسىراپ ەتۋ) بويىنشا ايىپ تاعىلدى.
ق. سۇلتان 2013 -جىلى شيپاجاي عيماراتىن قايتا جاڭارتۋ جانە كۇردەلى جوندەۋگە دەگەن جەلەۋمەن بانككە جوعارى كىرىستىلىك تۋرالى جالعان مالىمەت بەرىپ، 2,6 ميلليارد تەڭگە نەسيە العان. ق. سۇلتان ودان ءارى ءارتۇرلى قارجىلىق سحەمالاردى پايدالانا وتىرىپ، «جالعان كاسىپورىن» ارقىلى اقشا قاراجاتىن قولما-قول اقشاعا اينالدىرىپ، 974 ميلليون تەڭگە جىمقىردى. سونىمەن قاتار ا ق-نىڭ بۇرىنعى باسشىسى ءوزىنىڭ تانىستارى مەن جاقىن تۋىستارىن اقشا قاراجاتىن جىمقىرۋ سحەماسىنا تارتقان.
2015 -جىلدان باستاپ 2019 -جىلعا دەيىن قوعامنىڭ سپورتتىق- ساۋىقتىرۋ كەشەنىن ق. سۇلتاننىڭ كىشى قىزى ا. بەيسەبايەۆا باسقارعان، ول بارلىق كىرىستەردى ءوزى يەمدەگەن. بۇل جانە باسقا دا تالان-تاراجعا سالۋ فاكتىلەرى اۋديتورلىق تەكسەرىستە، سوت-ەكونوميكالىق ساراپتامادا جانە ساناتوري قىزمەتكەرلەرىنىڭ كورسەتۋلەرىندە راستالدى.
بۇگىنگى كۇنى ا ق ءىس جۇزىندە بانكروتتىققا دەيىن جەتكەن. قارجى مەكەمەسى الدىنداعى بەرەشەكتىڭ جالپى سوماسى 3,5 ميلليارد تەڭگەدەن اسادى. قازىرگى ۋاقىتتا ق. سۇلتان سوتتىڭ سانكسياسىمەن قاماۋعا الىندى، ونىڭ قىزى ا. بەيسەبايەۆاعا قاتىستى ءۇيقاماققا الۋ شاراسى قابىلداندى. سونىمەن قاتار، قىلمىستىق جاۋاپكەرشىلىككە قوعامنىڭ ءبىرقاتار قىزمەتكەرلەرى مەن ك. سۇلتاننىڭ جاقىن تۋىستارى تارتىلادى. تەرگەۋ جالعاسىپ جاتىر.
