مينيستر مەكتەپتە وقىتۋ ءتارتىبىن قايتارۋدى سۇراعان اتا-انالاردىڭ ۇجىمدىق وتىنىشىنە جاۋاپ بەردى
«ءداستۇرلى ىشتەي وقيتىن مەكتەپ قايتارىلسىن» دەگەن پەتيتسيانى وقىدىم. قازاقستاندا كەلەشەكتەگى وقىتۋ فورماتىنا الاڭداپ وتىرعان اتا-انالاردىڭ بارىنە ايتاتىنىم، قاشىقتان وقىتۋ - الەمدىك Covid-19 پاندەمياسىنا بايلانىستى ءبارىمىزدىڭ قاۋىپسىزدىگىمىز ءۇشىن قولدانىلعان ءماجبۇرلى شارا. ءبىزدىڭ الدىمىزدا ناقتى مىندەت تۇردى - وقۋشىلار مەن ءبىلىم قىزمەتكەرلەرىنىڭ دەنساۋلىعىن ساقتاۋ، سونىمەن بىرگە وقىتۋ پروتسەسىن ۇزبەۋ. يۋنەسكو مالىمەتىنە سايكەس، بۇكىل الەمدە 1,5 ميلليارد وقۋشى قاشىقتان وقىتۋعا مۇمكىندىك بەرەتىن تەحنولوگيالارمەن ءبىلىم الۋدا. ءبىز وقۋ ءۇردىسىن جالعاستىرۋ ءۇشىن قولداعى بار مۇمكىندىكتى پايدالاندىق. كەيبىر جاعدايدىڭ كەزدەسكەنى بولماسا جالپى ءۇردىس ۇيىمداستىرىلدى دەپ ەسەپتەيمىن»، - دەپ جازدى اسحات ايماعامبەتوۆ Facebook - تەگى پاراقشاسىندا.
ءمينيستردىڭ ايتۋىنشا، ايتسە دە قازىرگى تاڭدا ءبىلىم بەرۋدىڭ ەڭ ءتيىمدى قۇرالى - ءداستۇرلى تۇردە مەكتەپتە ءبىلىم الۋ ەكەنى انىق.
«ەشكىم دە ءداستۇردى ىشتەي ءبىلىم بەرۋ فورماسىن الىپ تاستاعان جوق. قاشىقتان وقىتۋ - ءماجبۇرلى شارا بولدى. البەتتە الدا دا مۇنداي جاعدايلارمەن بەتپە-بەت كەلگەن كەزدە بايقاۋ كەرەك. سول سەبەپتى مەملەكەت باسشىسىنىڭ تاپسىرماسىمەن ءبىز ءتيىستى جۇمىستاردى ۇيىمداستىرۋدامىز. قاشىقتان وقىتۋدىڭ تەحنولوگيالارىن دامىتىپ، مەكتەپتەردى اقپاراتتاندىرۋ جۇمىسىن جۇرگىزۋ كەرەك. ماسەلەن اۋا رايىنىڭ بۇزىلۋىنا بايلانىستى وقۋشىلاردىڭ وقۋدان قالۋعا ءماجبۇر بولاتىن جاعدايىن الىپ قاراستىرايىق نەمەسە كەيدە بالا ۇيىندە وقۋعا ءماجبۇر بولادى. ىشتەي وقىتۋ فورماتى بۇگىنگى تاڭدا ەڭ ءتيىمدى شەشىم ەكەنىن ءبارىمىز ءتۇسىنىپ وتىرمىز. كەلەسى وقۋ جىلى مەكتەپ قابىرعاسىنان باستالار دەگەن ۇمىتتەمىز»، - دەيدى ول.
