الماتىدا پارا الىپ، بلوكپوستان ادام وتكىزگەن ەكى شەنەۋنىك سوتتالدى
سىبايلاس جەمقورلىققا قارسى ءىس- قيمىل اگەنتتىگىنىڭ حابارلاۋىنشا، وسى جىلدىڭ 14 - مامىرىندا الماتى قالاسى جەتىسۋ اۋدانىنىڭ №2 اۋداندىق سوتى جەتىسۋ اۋدانى اكىمى اپپاراتىنىڭ باس ماماندارى ك. ە. ادەنوۆ پەن س. س. ورازوۆقا قاتىستى ايىپتاۋ ۇكىمىن شىعارعان. ك. ە. ادەنوۆ پەن س. س. ورازوۆ بىرنەشە رەت پارا العانى ءۇشىن كىنالى دەپ تانىلىپ، ولارعا تيىسىنشە 4077500 تەڭگە جانە 13300000 تەڭگە ايىپپۇل سالىنىپ وتىر.
«سوت ولارعا ءومىر بويى مەملەكەتتىك قىزمەتتە لاۋازىم اتقارۋعا تىيىم سالدى. سونىمەن قاتار، وسى ۇكىممەن ازامات ۆ. ي. ۋدجۋر پارا الۋ كەزىندە دەلدالدىق جاساعانى ءۇشىن كىنالى دەپ تانىلىپ، وعان 2430000 تەڭگە كولەمىندە ايىپپۇل سالىندى»، - دەپ حابارلايدى اگەنتتىكتەن.
اتالعان لاۋازىمدى ادامداردىڭ جەتىسۋ اۋدانىنداعى بلوكپوستتا كەدەرگىسىز ءوتۋ ءۇشىن الماتى قالاسىنىڭ تۇرعىندارىنان دەلدال ارقىلى بىرنەشە رەت پارا العانى بۇعان دەيىن حابارلانعان بولاتىن.
