شىمكەنت، اقتاۋ جانە ورالعا اۋە رەيستەرى جانداندى

نۇر-سۇلتان. قازاقپارات - كولىكتەگى مەملەكەتتىك باس سانيتارلىق دارىگەر ءسادۋاقاس بايعابىلوۆ شىمكەنت، اقتاۋ جانە ورالدان نۇر-سۇلتان مەن الماتى قالالارىنا جانە كەرى ۇشاتىن اۋە رەيستەرىنىڭ قايتا جاندانۋىنا قاتىستى پىكىر ءبىلدىردى، دەپ حابارلايدى قازاقپارات.

بۇعان دەيىن ايتىلعانداي، كوروناۆيرۋس ينفەكسياسى بويىنشا سانيتارلىق- ەپيدەميولوگيالىق جاعدايدىڭ تۇراقتانۋىنا قاراي وڭىرلەردە قازاقستاننىڭ باسقا قالالارىنا ىشكى اۋە رەيستەرى كەزەڭ- كەزەڭىمەن ىسكە قوسىلادى.

شىمكەنت، اقتاۋ جانە ورال قالالارىنان جاڭارتىلعان اۋە رەيستەرى ءۇشىن الەۋمەتتىك قاشىقتىق، ساۋالناما، ماسكالىق رەجيم، تەرمينال عيماراتىنا شىعارىپ سالماۋ، بايلانىسسىز تەرمومەتريا سەكىلدى نەگىزگى سانيتارلىق- كارانتيندىك تالاپتار بەلگىلەندى. كولىكتەگى باس مەملەكەتتىك سانيتار دارىگەر بيىلعى جىلدىڭ 14-مامىرىندا ءتيىستى قاۋلى قابىلدادى. بۇرىن ايتىلعانداي، دەنە قىزۋى جوعارى نەمەسە اۋرۋ بەلگىلەرى (جوتەل، ەنتىگۋ، تىنىس الۋى قيىنداعان) بار ادامدار انىقتالعان جاعدايدا ولار اۋەجاي عيماراتىنا، ياعني اۋە كەمەسىنىڭ بورتىنا جىبەرىلمەيدى. اتالعان جولاۋشىلار كارانتينگە وقشاۋلانادى.

ايتا كەتۋ كەرەك، قازاقستانداعى بارلىق ىشكى اۋە رەيستەرى تەك نۇر-سۇلتان مەن الماتىدان وبلىستىق ماڭىزى بار قالالارعا عانا اشىلدى، ال وڭىرلەر اراسىندا اۋە قاتىناسى ءالى اشىلعان جوق.