حانس كليۋگە قازاقستاندىق تەلەارناعا سۇحبات بەرۋگە نيەتتى
بۇل تۋرالى ق ر د س م قوعامدىق دەنساۋلىق ساقتاۋ ۇلتتىق ورتالىعى ديرەكتورىنىڭ ورىنباسارى سەرجان ايدوسوۆ ايتتى، دەپ حابارلايدى قازاقپارات ءتىلشىسى.
«حانس كليۋگە ءوز تاراپىنان قىزىعۋشىلىق تانىتىپ وتىر. ول «سىزدەردىڭ تاجىريبەلەرىڭىزدى قاراپ، سوعان قاتىستى ۇستانىمىزدى بىلدىرسەك» دەپ ۇسىنىس جاسادى. وسى اپتانىڭ ىشىندە دۇنيەجۇزىلىك دەنساۋلىق ساقتاۋ ۇيىمىنىڭ قازاقستانداعى وكىلدىگىمەن بىرلەسە وتىرىپ، حابار-24 نەمەسە باسقا رەسپۋبليكالىق ارنامەن كەلىسىمگە كەلەمىز. ول سۇحبات بەرۋگە دايىن»، - دەدى سەرجان ايدوسوۆ
«دەنساۋلىق ساقتاۋ مينيسترلىگى حابارلايدى» باعدارلاماسى بارىسىندا. ەستەرىڭىزگە سالا كەتسەك، دۇنيەجۇزىلىك دەنساۋلىق ساقتاۋ ۇيىمى ەۋروپالىق وڭىرلىك بيۋروسىنىڭ ديرەكتورى حانس كليۋگە قازاقستاننىڭ كوروناۆيرۋسقا قارسى كۇرەس شارالارىنا جوعارى باعا بەرگەن ەدى. «قازاقستان - COVID19-عا قاتىستى احۋالدى تۇراقتاندىرۋ بويىنشا بەلسەندى كۇش- جىگەردىڭ تاماشا ۇلگىسى»، - دەپ جازدى كليۋگە Twitter دە.
