قازاق فۋتبولشىسى ب ا ءا چەمپيوناتىنداعى ەڭ قىمبات ويىنشىلاردىڭ ۇزدىك وندىعىنا ەندى

نۇر-سۇلتان. قازاقپارات - Alkhaleejtoday.co سايتى ب ا ءا چەمپيوناتىنداعى ەڭ قىمبات 25 فۋتبولشىنىڭ ءتىزىمىن ۇسىندى.

تىزىمدە قازاقستان قۇراماسىنىڭ جارتىلاي قورعاۋشىسى باۋىرجان يسلامحان بار، دەپ حابارلايدى Sports.kz.

باسىلىمنىڭ مالىمەتى بويىنشا، يسلامحان 9-ورىندى ءوزىنىڭ «ال-ايناداعى» ارىپتەسى كودجو لابويمەن، سونداي-اق «شاردجيدىڭ» جارتىلاي قورعاۋشىسى لۋكاسكايومەن بىرگە بولىسكەن.

اتالعان فۋتبولشىلاردىڭ ترانسفەرلىك باعاسى - 2,4 ميلليون ەۋرو.

رەيتينگتە ءبىرىنشى ورىندا ترانسفەرلىك باعاسى 4,8 ميلليون ەۋرو بولاتىن «شاردجيدىڭ» برازيليالىق ويىنشىسى يگور كورونادو تۇر.

ەسكە سالا كەتەيىك، 31- قاڭتاردا يسلامحان «ال-اين» كلۋبىنا وتكەن بولاتىن. ونىڭ كەلىسىمشارتى 2020-جىلدىڭ 30- ماۋسىمىنا دەيىن جارامدى.

قازاقستاندىق جارتىلاي قورعاۋشى 10 ماتچ وتكىزىپ، 1 گول سوعىپ، 3 ناتيجەلى پاس بەردى. 19 ماتچتان كەيىن «ال-اين» ب ا ءا چەمپيوناتىندا ەكىنشى ورىندا تۇر.