اقتوبەدە كوروناۆيرۋس جۇقتىرعان ءسابيدىڭ اتا-اناسىنان ىندەت انىقتالمادى
سەبەبى اتا-اناسىنان ىندەت تابىلماعان، دەپ حابارلايدى قازاقپارات ءتىلشىسى.
اقتوبە وبلىستىق دەنساۋلىق ساقتاۋ باسقارماسىنىڭ باسشىسى اسەت قاليەۆ «اقتوبە» جەرگىلىكتى تەلەارناسىندا وڭىردەگى ەپيدەميولوگيالىق احۋال تۋرالى ايتىپ بەردى.
بۇگىنگە دەيىن ايماقتا بارلىعى 176 ادام ادام ىندەتكە شالدىقسا، ونىڭ 13 ءى بالا.
«1 جاستاعى بالا ينفەكتسيالىق اۋرۋحاناعا جاتقىزىلدى. اتا-اناسى، اجەسىمەن بىرگە تۇرادى. ولار ۆيرۋس جۇقتىرعان ادامدارمەن قارىم-قاتىناستا بولماعان. ەپيدەميولوگيالىق زەرتتەۋ ءجۇرىپ جاتىر. اتا-اناسى ۆيرۋستىق ينفەكتسيا بار زاتتى ۇيگە اكەلگەن بولۋى مۇمكىن. ناقتى كىمنەن جۇقتىرعانى بەلگىسىز. الداعى ۋاقىتتا ناقتىلانادى» ، - دەدى اسەت قاليەۆ.
ايتا كەتەيىك، وبلىس بويىنشا 21 مىڭنان استام ادام ۆيرۋسقا قارسى تەكسەرۋدەن ءوتتى. بىرنەشە لابوراتوريادا تاۋلىگىنە 1200 اناليز الىنىپ، زەرتتەلەدى.
«جەكە كلينيكادا تاعى ءبىر لابوراتوريا ىسكە قوسىلسا، كۇنىنە 1700 اناليز الىپ، تەكسەرەمىز. ەكسپرەسس-تەستىڭ 7200 داناسى تاعى اكەلىندى. ولار جەرگىلىكتى بيۋجەت ەسەبىنەن الىندى. 12- مامىردان باستاپ ۆيرۋسقا قارسى كۇرەس جۇمىستارىنا جۇمىلدىرىلعان قىزمەتكەرلەر تەكسەرىلەدى. وبلىس بويىنشا بارلىعى 1825 مەديتسينا قىزمەتكەرى ەڭبەك ەتىپ ءجۇر. ەشقايسىسى ىندەتكە شالدىققان جوق»، - دەدى ءا. قاليەۆ.
ەسكە سالايىق، 11- مامىر ساعات 17.40 تاعى مالىمەت بويىنشا، ەلىمىزدە ۆيرۋستى جۇقتىرعان تاعى 22 ادام تىركەلدى. ونىڭ ىشىندە اقتوبە وبلىسىندا ىندەت 1 جاسار نارەستەدەن انىقتالدى. 9- مامىر كۇنى ونىڭ قىزۋى كوتەرىلىپ، ءىشى وتكەن. ال 10- مامىر كۇنى جەدەل جاردەم شاقىرىلىپ، ودان اناليز الىنعان. لابوراتوريالىق زەرتتەۋدەن سوڭ بالانىڭ ۆيرۋس جۇقتىرعانى بەلگىلى بولدى.
ءسابي ينفەكتسيالىق اۋرۋحاناعا جاتقىزىلدى. جاعدايى قاناعاتتانارلىق. وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسپا ءسوز قىزمەتى بالامەن جاقىن قارىم-قاتىناستا بولعان ادامدار انىقتالىپ، وقشاۋلاندىرىلعانىن ءمالىم ەتكەن ەدى.
