شىمكەنتتە كوروناۆيرۋستان ءبىر ادام قايتىس بولدى
قازاقستاندا كوروناۆيرۋستان بارلىعى 32 ادام قايتىس بولعان.
955 -جىلعى ازاماتشا - شىمكەنت قالاسى قاراتاۋ اۋدانىنىڭ تۇرعىنى. 65 جاستاعى ايەل 2 - مامىر كۇنى جرۆي دياگنوزىمەن جەدەل جاردەم قىزمەتى ارقىلى قالالىق جۇقپالى اۋرۋلار اۋرۋحاناسىنا جەتكىزىلگەن. ناۋقاستان زەرتحانالىق سىناماسى الىنىپ، پ ت ر دياگنوستيكالىق زەرتتەۋ قورىتىندىسى COVID-19 تەرىس ناتيجە بەرگەن.
6 - مامىر كۇنى ازاماتشا جاعدايىنىڭ اۋىرلىعىنا بايلانىستى جانساقتاۋ بولىمىنە جاتقىزىلىپ، وكپەنى جاساندى جەلدەتۋ اپپاراتىنا قوسىلعان. قايتا پ ت ر زەرتتەۋ قورىتىندىسى جۇرگىزىلىپ، COVID-19 دياگنوزى ناقتىلاندى. ناۋقاستىڭ قوسالقى اۋرۋلارى - وكپەنىڭ سوزىلمالى وبسترۋكتيۆتى اۋرۋى، 3- دارەجەلى ارتەريالدىق گيپەرتەنزيا، سەمىزدىك اۋرۋىنىڭ ەكىنشى دارەجەسى، سوزىلمالى كالكۋلەزدى حولەتسيستيت، سوزىلمالى پانكرەاتيت. ناۋقاس ەمدەۋ حاتتاماسىنا سايكەس، قاجەتتى ەم شارالارى جۇرگىزىلىپ، رەسپۋبليكالىق ماماندارمەن بىرنەشە رەت كەڭەس وتكىزىلگەن. جۇرگىزىلگەن رەانيماتسيالىق ءىس- شارالارعا قاراماستان 11 - مامىر كۇنى ساعات 11:55تە ناۋقاس قايتىس بولدى.
