قوعامدىق تاماقتانۋ ورىندارى قاشان اشىلادى
بۇل تۋرالى ق ر پرەمەر- ءمينيسترىنىڭ ورىنباسارى ەرالى توعجانوۆ بريفينگتە ءتۇسىندىرىپ بەردى.
«قوعامدىق تاماقتانۋ ورىندارىن اشۋ جوسپاردا بار. قازىرگى كەزدىڭ وزىندە ولاردىڭ كوپشىلىگى جۇمىس ىستەپ تۇر. ءبىراق ولار تاپسىرىسپەن جەتكىزىپ بەرەدى. ونىڭ وزىندە كەشكى ساعات 20:00 گە دەيىن عانا ىستەيدى. بۇل تارتىپتەردىڭ ءبارى ءالى دە جالعاسادى. ءبىراق ءارى قاراي ولاردىڭ جۇمىستارىن جاعاستىرۋ تۋرالى سۇراقتار كۇن تارتىبىندە تۇر. ولاردىڭ بارلىعى مىندەتتى تۇردە ارى قاراي دا قاراستىرامىز»، - دەدى ق ر پرەمەر- ءمينيسترىنىڭ ورىنباسارى ەرالى توعجانوۆ. ءبىراق بۇل باعىتتا ناقتى تالاپتار بولۋ كەرەك ەكەنىن ايتىپ ءوتتى.
«ول تالاپتارعا ازاماتتاردىڭ بارلىعى سايكەس كەلگەن كەزدە رۇقسات بەرىلەدى. سوندىقتان وعان ۋاقىت كەرەك. د د س ۇ- نىڭ تالاپتارى بار. پاندەميانىڭ دەڭگەيى 5 پايىز بولسا، ءبىز سوعان جەتىپ تە كەلە جاتىرمىز، قازىر - 3,9 پايىز. سوعان جەتكەنمەن ونىڭ ءوزى ءبىرقالىپتى جاعدايعا كەلۋى كەرەك. ءبىرقالىپتى جاعداي دەگەنىمىز، ءبىر- ەكى كۇن ەمەس، مىسالى ءبىر اپتا بويى تۇراقتالۋى. ەگەر سونداي دەڭگەيدى ۇستاپ تۇراتىن بولساق، الداعى ۋاقىتتا مەيرامحانالار مەن قوعامدىق تاماقتانۋ ورىندارىن اشۋعا رۇقسات بەرۋگە بولادى»، - دەدى.
