قازاقستاندا «وتباسى بانك» قۇرىلادى

نۇر-سۇلتان. قازاقپارات - قازاقستاندا حالىقتىڭ تۇرعىن ءۇي ماسەلەسىن شەشۋ ماقساتىندا «وتباسى بانك» قۇرىلادى.

بۇل تۋرالى توتەنشە جاعدايدى قامتاماسىز ەتۋ بويىنشا مەملەكەتتىك كوميسسيا وتىرىسىندا مەملەكەت باسشىسى قاسىم-جومارت توقايەۆ ءمالىم ەتتى، دەپ حابارلايدى قازاقپارا ءتىلشىسى.

«ۇكىمەت جىل سوڭىنا دەيىن «تۇرعىن ءۇي جيناق بانكى» نەگىزىندە تۇرعىن ءۇيدى ءبولىپ بەرىپ وتىرۋ، ەسەپ جۇرگىزۋ جۇمىستارىن ورتالىقتاندىراتىن تولىققاندى دامۋ جانە قولداۋ ينستيتۋتىن - «وتباسى بانك» قۇرۋ كەرەك»، - دەدى مەملەكەت باسشىسى. بۇل سالانى جۇيەلى تۇردە وزگەرتۋ جۇمىسى كۇتىپ تۇر. وسىلايشا ازاماتتار ءوزىنىڭ زەينەتاقىسىنىڭ ءبىر بولىگىن تۇرعىن ءۇي جاعدايىن جاقسارتۋعا باعىتتاي الادى.

«مەن بۇرىن مۇنداي تاپسىرما بەرگەنمىن. ءبىراق ت ج رەجيمىنە بايلانىستى بۇل جۇمىستى تالقىلاۋ سوزىلىپ كەتتى. شەشىم قابىلدايتىن ۋاقىت جەتتى. ۇكىمەت 1-شىلدەگە دەيىن ءوز امال- ادىستەرىن ايقىنداۋى كەرەك»، - دەدى توقايەۆ.

اۆتور: ايان بەكەن ۇلى