11:29, 11 - مامىر 2020 | GMT +5
تۇندە كورشىلەرىنىڭ شۋىنا اشۋلاعان تۇرعىن ولارعا گراناتا لاقتىرعان
ستاۆروپول. تاسس- قازاقپارات - رەسەيدىڭ ستاۆروپول ولكەسىنە قاراستى پريەتوك اۋىلىندا ەر ازامات تۋعان كۇندى ۋ-شۋ بولىپ تويلاپ جاتقان ادامدار توبىنا گراناتا لاقتىردا دەپ حابارلايدى قازاقپارات رەسەيلىك تاسس اگەنتىگىنە سىلتەمە جاساپ.
رەسەيلىك اگەنتتىككە وقيعانى تەرگەۋ كوميتەتى وسىلاي تۇسىندىرگەن. «كورشىلەرىنىڭ قاتتى شۋلاعانىنا نارازى بولعان جەرگىلىكتى تۇرعىن قاقپانىڭ سىرتىنان ولارعا گراناتا لاقتىرعان»، - دەپ ءتۇسىندىردى تەرگەۋشىلەر.
ءوڭىر گۋبەرناتورى ۆلاديمير ۆلاديميروۆ ءوزىنىڭ Instagram پاراقشاسىندا كۇدىكتىنىڭ ماس بولعاندىعىن ايتتى. قازىرگى تاڭدا وسى وقيعا بويىنشا بىرنەشە ادامنىڭ ءومىرىن قيۋعا وقتالۋ ارەكەتى بويىنشا قىلمىستىق ءىس قوزعالدى.
