الماتى قالاسىنا كىرۋ ءۇشىن تۇرعىندار قالاي تەكسەرىلەدى
ولار كوروناۆيرۋسقا پ ت ر تەست تاپسىرۋى ءتيىس. ءبىراق، زەرتحانالاردىڭ كوپشىلىگى قالا اۋماعىندا ورنالاسقان.
الماتى قالاسىنىڭ باس سانيتارلىق دارىگەرى جانداربەك بەكشين وبلىس تۇرعىندارىنىڭ پ ت ر تەست تاپسىرۋ ءتارتىبىن ءتۇسىندىردى، دەپ حابارلايدى قازاقپارات.
«الماتى وبلىسىندا زەرتحانا جوق دەپ ايتۋعا بولمايدى. وندا ءبىر ستاتسيونارلىق جانە ءبىر كوشپەلى زەرتحانا بار. ءبىراق، ادام سانى كوپ بولاندىقتان، ۇزىن-سونار كەزەك پايدا بولۋى مۇمكىن. سوندىقتان، فيلتر، ەكسپرەسس-دياگنوستيكا سىندى ودان دا ءتيىمدى شارالار جاسالادى دەپ ويلايمىن. ازىرگە بلوكپوستتار مەن قاشىقتان قىزۋ ولشەۋ، ساۋالناما ادىستەرى قاراستىرىلعان»، - دەدى جانداربەك بەكشين الماتى تەلەارناسىنا بەرگەن سۇحباتىندا.
ونىڭ ايتۋىنشا، رەسپۋبليكانىڭ باس مەملەكەتتىك سانيتارلىق دارىگەرىنىڭ قاۋلىسىن كۇتۋ قاجەت.
«قازىر ەشقانداي وڭىرگە، اسىرەسە الماتى مەن نۇر-سۇلتانعا كىرۋگە رۇقسات جوق. كوپتەگەن ادامدار قالاعا ورالىپ، جۇمىس ورىندارىنا ورالعىسى كەلەدى. ءبىراق، زەرتحانالار مۇنداي كوپ ادامعا 2-3 كۇندە ناتيجەسى شىعاتىن تەكسەرۋ جۇرگىزە المايدى» ، - دەدى ج. بەكشين.
سونداي-اق، سانيتارلىق دارىگەر ءموبيلدى پ ت ر- زەرتحانالار جۇمىسىن جولعا قويۋ كەرەكتىگىن اتاپ ءوتتى.
