كوروناۆيرۋس: ناۋقاستار سانى ەڭ از جانە ەڭ كوپ وڭىرلەر
مامىردىڭ العاشقى 10 كۇنىندە (1 مامىر ساعات 00.00-دەن 10 مامىر ساعات 19.30-عا دەيىن) قازاقستاندا كوروناۆيرۋسكە 1674 ادام شالدىقتى. جازىلىپ شىقتى - 1035، قايتىس بولدى - 6 ادام. 10 كۇندەگى ورتاشا ءوسىم %4,5 قۇرادى.
ەڭ كوپ ناۋقاس الماتى قالاسىندا تىركەلدى - 527. نۇر-سۇلتان قالاسىندا - 421، اتىراۋ وبلىسىندا - 159، باتىس قازاقستان وبلىسىندا - 98 جانە ماڭعىستاۋ وبلىسىندا 72 ناۋقاس جاڭادان انىقتالدى. كوروناۆيرۋس جۇقتىرۋدىڭ ەڭ تومەن كورسەتكىشى كەلەسى وڭىرلەردە بولدى: سولتۇستىك قازاقستان وبلىسىندا - 4، اقمولا وبلىسىندا - 10، قوستاناي وبلىسىندا - 11، پاۆلودار وبلىسىندا - 25، قىزىلوردا وبلىسىندا - 28.
10-مامىر ساعات 19.30-داعى سوڭعى مالىمەت بويىنشا، ەلىمىزدە ك ۆ ي بارلىعى 5076 ادامنان انىقتالدى. ونىڭ ىشىندە 1901- ءى - جازىلدى، قايتىس بولدى 31 ادام. 3144 ادام ەمدەرىن جالعاستىرۋدا. وڭىرلەر بويىنشا جازىلىپ شىققانداردىڭ ەڭ كوپ سانى الماتى قالاسىندا - 418 (%21,9).
ودان كەيىنگى ورىنداردا نۇر-سۇلتان قالاسى - 395 (%20,8)، قىزىلوردا وبلىسى - 159 (%8,4)، شىمكەنت قالاسى - 127 (%6,7) جانە باتىس قازاقستان وبلىسى 96 (%5,1) تۇر.
الماتى قالاسى ەمدەرىن جالعاستىرىپ جاتقان ناۋقاستاردىڭ سانى بويىنشا دا الدىڭعى ورىندا - 1160. سونداي-اق 671 ناۋقاس - نۇر-سۇلتان قالاسىندا، 207 ناۋقاس - اتىراۋ وبلىسىندا، 148 ناۋقاس - باتىس قازاقستان وبلىسىندا جانە 118 ناۋقاس الماتى وبلىسىندا ەم- دوم قابىلداۋدا. وسى ۋاقىتتا ناۋقاستار سانى ەڭ از وڭىرلەر: سولتۇستىك قازاقستان وبلىسىندا - 5، اقمولا وبلىسىندا - 19، قوستاناي وبلىسىندا - 33، شىعىس قازاقستان وبلىسىندا - 38 جانە قىزىلوردا وبلىسىندا 70.
اۆتور: ميرا تولەندى قىزى
