قازاقستان مەن وزبەكستان پرەمەرلەرى مىرزاكەنتتەگى شاعىن اۋداننىڭ قۇرىلىسىن باستاپ بەردى

تۇركىستان وبلىسى. قازاقپارات – ق ر پرەمەر-ءمينيسترى اسقار مامين تۇركىستان وبلىسى ماقتاارال اۋدانى مىرزاكەنت كەنتىندە ءور رەسپۋبليكاسىنىڭ پرەمەر-ءمينيسترى ابدۋللا اريپوۆپەن كەزدەسۋ وتكىزدى.

بۇل تۋرالى primeminister.kz حابارلايدى.

ۇكىمەت باسشىلارى ماقتاارال اۋدانىنىڭ سۋ باسقان اۋماقتارىن ارالاپ كوردى، سونداي-اق جاڭاجول اۋىلدىق وكرۋگىنىڭ نۇرلىجول، ورگەباس جانە فيردوۋسي اۋىلدارىندا بولىپ، سۋ تاسقىنى سالدارىن جويۋ اياسىندا جۇرگىزىلىپ جاتقان جۇمىستارمەن تانىستى. اپاتتىق-قۇتقارۋ جانە كەزەك كۇتتىرمەيتىن جۇمىستارعا 1300 دەن استام ادام مەن 220 بىرلىك تەحنيكا، ونىڭ ىشىندە وزبەكستاننان 200 دەن استام مامان مەن 100 گە جۋىق ءورت ءسوندىرۋ ماشينالارى، ەكسكاۆاتورلار، تراكتورلار، سۋ سورعىشتار جانە باسقا دا تەحنيكالىق قۇرالدار جۇمىلدىرىلدى.

ماقتاارال اۋدانىنىڭ اكىمشىلىك ورتالىعى مىرزاكەنت اۋىلىندا قازاقستان مەن وزبەكستان پرەمەر- مينيسترلەرى جاڭا شاعىن اۋداننىڭ قۇرىلىس جوسپارىمەن تانىسىپ، العاشقى تۇرعىن ۇيلەردىڭ ىرگەتاسىن قالاۋ راسىمىنە قاتىستى جانە تۇرعىندارمەن كەزدەسۋ وتكىزدى.

بارلىعى مىرزاكەنت كەنتىندە سۋ تاسقىنىنىڭ سالدارىنان زارداپ شەككەن جەڭىس، جاڭا تۇرمىس، دوستىق ەلدى مەكەندەرىنەن 500 وتباسى ءۇشىن جەكە تۇرعىن ۇيلەر، مەكتەپتەر، بالاباقشا مەن فەلدشەرلىك پۋنكتتەر سالۋ جوسپارلانعان.

قۇرىلىس جۇمىستارىن ق ر جانە ءور ماماندارى بىرلەسىپ جۇرگىزەتىن بولادى. ا. مامين مەن ا. اريپوۆ فيردوۋسي اۋىلىنداعى قيراعان ۇيلەردى قالپىنا كەلتىرۋ جۇمىستارىن تەكسەرىپ، جەرگىلىكتى حالىقپەن كەزدەسۋ وتكىزدى.

پرەمەر-مينيستر مەملەكەت باسشىسىنىڭ تاپسىرماسى بويىنشا سۋ تاسقىنىنان زارداپ شەككەن تۇركىستان وبلىسى ماقتاارال اۋدانىنىڭ تۇرعىندارى جاڭا نەمەسە جوندەلگەن باسپانامەن تولىق قامتاماسىز ەتىلەتىنىن اتاپ ءوتتى.

ولاردىڭ ءارقايسىسىنا رەسپۋبليكالىق بيۋدجەتتەن 100 مىڭ تەڭگەدەن بەرىلەدى. سونىمەن قاتار ىسكەرلىك توپ وكىلدەرى زارداپ شەككەندەرگە دەمەۋشىلىك كومەك كورسەتەدى.