الماتىلىقتار بيزنەس- جوبالارىن ىسكە اسىرۋعا گرانت الادى
قالالىق جۇمىسپەن قامتۋ ورتالىعىنىڭ ديرەكتورى ديليارا يمانقۇلوۆا بريفينگ بارىسىندا اتاپ وتكەندەي، مەملەكەتتىك گرانتتار جاڭا بيزنەستى اشقان نەمەسە جولعا قويۋدى كوزدەگەن تۇلعالارعا وتەۋسىز جانە قايتارىمسىز نەگىزدە بەرىلەدى.
«قالالىق باسقارۋ قۇرىلىمدارى كارانتين شارالارى اياقتالعاننان كەيىن جۇمىسسىز قالعان ازاماتتاردى قولداۋدىڭ ءبىرقاتار جولىن ازىرلەپ وتىر. ماسەلەن، حالىقتى جۇمىسپەن قامتۋ ورتالىعى ارقىلى جۇمىسقا ورنالاستىرۋدان بولەك، باستاپقى بيزنەستى ىسكە اسىرۋدى جوسپارلاپ وتىرعان ادامدارعا وتەۋسىز جانە قايتارىمسىز نەگىزدە مەملەكەتتىك گرانتتار بەرىلمەك. وتكەن جىلى مۇنداي گرانتتاردى بىزدە 2867 ادام الدى. بيىل 1705 ادامعا 200 ا ە ك كولەمىندە قاراجات ءبولىندى (555,6 مىڭ تەڭگە، 1 اەك - 2778 ت گ) . سونىڭ ىشىندە 706 الماتىلىقا گرانتتار وسى ايدا بەرىلەدى» ، - دەيدى ديليارا يمانقۇلوۆا.
سپيكەردىڭ ايتۋىنشا، «ەڭبەك» باعدارلاماسىنا قاتىسۋشىلار مەملەكەتتىك گرانتتاردى الۋعا ۇمىتكەرلەر بولا الادى. «بۇل تىزىمگە تەحنيكالىق جانە كاسىپتىك، ورتا بىلىمنەن كەيىنگى ءبىلىم بەرۋ، جوعارى نەمەسە جوعارى وقۋ ورنىنان كەيىنگى ءبىلىم بەرۋ ۇيىمدارىندا، «باستاۋ بيزنەس» جوباسى بويىنشا كاسىپكەرلىك نەگىزدەرىنە وقىتۋ كۋرستارىنان وتكەندەر عانا ەنگىزىلەدى. سونىمەن قاتار، «ەڭبەك» باعدارلاماسىنىڭ ءبىرىنشى باعىتى شەڭبەرىندە وقۋدى اياقتاعان جانە بۇرىن باسقا مەملەكەتتىك باعدارلامالار اياسىندا گرانتتار الماعان تۇلعالار، سونداي- اق قونىس اۋدارۋشىلار، اتاۋلى الەۋمەتتىك كومەك الۋشىلار، كوپبالالى وتباسىلار قاتىسا الادى. جاڭا بيزنەس- يدەيالاردى ىسكە اسىرۋعا مەملەكەتتىك گرانتتار 200 ەسەلەنگەن ايلىق ەسەپتىك كورسەتكىشكە دەيىنگى مولشەردە بەرىلەدى. از قامتىلعان جانە كوپبالالى وتباسىلارعا، ەڭبەككە جارامدى مۇگەدەكتەر مەن جاستارعا مەملەكەتتىك گرانتتاردى الۋعا باسىمدىق بەرىلەدى» ، - دەدى د. يمانقۇلوۆا.
سونىمەن قاتار ول كاسىپكەرلىك باستامالاردى قولداۋعا ارنالعان باعدارلاماعا قاتىسۋشىلار 8 مىڭ اەك كولەمىندە شاعىن نەسيە الا الاتىنىن تىلگە تيەك ەتتى.
«بۇل 21 ميلليون تەڭگەدەن استام قاراجات دەگەن ءسوز. بيىل وسىنداي 140 جوباعا اقشا ءبولىندى. العاشقى ۇمىتكەرلەر بۇگىنگە دەيىن 14 شاعىن نەسيەنى الىپ ۇلگەردى» ، - دەپ قورتىندىلادى الماتى قالاسى حالىقتى جۇمىسپەن قامتۋ ورتالىعىنىڭ ديرەكتورى.
