13:29, 05 - مامىر 2020 | GMT +6
دەپۋتاتتار ءبىر كۇندىك جالاقىسىن ماقتاارالدىقتارعا اۋداردى
نۇر-سۇلتان. قازاقپارات - ءماجىلىس دەپۋتاتتارى ءبىر كۇندىك جالاقىسىن تۇركىستان وبلىسىندا سۋ باسۋ سالدارىنان زارداپ شەككەندەرگە اۋداردى، دەپ حابارلايدى قازاقپارات.
«پالاتا سپيكەرى نۇرلان نىعماتۋليننىڭ توراعالىعىمەن ءماجىلىس بيۋروسى ءبىر كۇندىك ەڭبەكاقىنى تۇركىستان وبلىسىنىڭ ماقتاارال اۋدانىنداعى ەلدى مەكەندەردى سۋ باسۋ سالدارىنان زارداپ شەككەندەرگە كومەك كورسەتۋ ءۇشىن «تۇركىستان» كورپوراتيۆتىك الەۋمەتتىك دامۋ قورىنا اۋدارۋ تۋرالى قاۋلى قابىلدادى»، - دەلىنگەن تاراتىلعان حابارلامادا.
وسى ورايدا قارجى اۋدان تۇرعىندارىنىڭ تىرشىلىگىن، بۇلىنگەن ۇيلەردى، ينفراقۇرالىمداردى قالپىنا كەلتىرۋگە باعىتتالادى. بۇدان بۇرىن حابارلانعانداي، بۇگىن ۇكىمەت وتىرىسىندا تۇركىستان وبلىسىنىڭ اكىمى ءومىرزاق شوكەيەۆ 31606 تۇرعىن 14 ەلدى مەكەننەن ەۆاكۋاتسيالانعانىن، ونىڭ ىشىندە 6127 تۇرعىنى بار 5 ەلدى مەكەندى سۋ تولىعىمەن باسقانىن ايتتى.
