ديماش كيەۆتە قويعان كونتسەرتىن ونلاين كورسەتەدى

نۇر- سۇلتان. قازاقپارات - قازاقستاندىق ءانشى ديماش قۇدايبەرگەن 11 - ناۋرىز كۇنى كييەۆتە «ARNAU» الەمدىك تۋرنەسىنىڭ اياسىندا وتكەن كونتسەرتىنىڭ جازباسىن كورسەتەدى، دەپ حابارلايدى قازاقپارات.

بۇل تۋرالى ول Instagram-داعى پاراقشاسىندا جازدى. «ارمىسىزدار، مەنىڭ قۇرمەتتى تىڭدارماندارىم! 26 - ساۋىردە، نۇر- سۇلتان ۋاقىتىمەن ساعات 21:00 دە مەنىڭ YouTube كانالىمدا ۋادە ەتكەنىمدەي «ARNAU» الەمدىك تۋرنە اياسىندا كيەۆ قالاسىندا وتكەن كونتسەرتىمنىڭ ۆيدەوسى جاريا ەتىلەدى. قازىرگى كارانتين كەزەڭىندە وزدەرىڭىزگە كوتەرىڭكى كوڭىل- كۇي تارتۋ ەتكىم كەلەدى. ۋاقىتتى كەرەمەت وتكىزەسىزدەر دەپ سەنەمىن!» - دەپ جازدى ديماش.

ەسكە سالا كەتەيىك، ديماش قۇدايبەرگەن كوروناۆيرۋسپەن كۇرەسكە ارناپ ءان جازعان (كليپتىڭ قازاقستاندىق نۇسقاسى شىقتى) . پاندەميا سالدارىنان ءانشى الەمدىك تۋرنەسىن وتكىزە المادى. ول نۇر- سۇلتاندا ۇيدە قالاي ۋاقىت وتكىزەتىنىن كورسەتىپ، ونەرىن ءسۇيۋشى بارشا جۇرتتى ۇيدە بولۋعا شاقىردى.