ايگىلى «دوس- مۇقاساننىڭ» نەگىزىن قالاعان انشىلەردىڭ ءبىرى دۇنيەدەن وزدى
«ءانسامبلدىڭ نەگىزىن قالاۋشىلاردىڭ ءبىرى، ءانشى، ادال دوس كاميت سانبايەۆ ومىردەن وەتتى. بۇل - ءبىز ءۇشىن ورنى تولماس قازا. ونىڭ ورنى ويسىراپ تۇراتىنى راس. ارتىنا وشپەس ءىز قالدىردى. يماندى بولسىن!» ، - دەلىنگەن پاراقشادا. سونىمەن قاتار ءانشىنىڭ مەزگىلسىز قايتىس بولۋىنا بايلانىستى ق ر مادەنيەت جانە سپورت ءمينيسترى اقتوتى رايىمقۇلوۆا كوڭىل ايتتى.
«مادەنيەت جانە سپورت مينيسترلىگىنىڭ اتىنان قازاق مادەنيەتىنىڭ، ءان ونەرىنىڭ دامۋىنا ولشەۋسىز ۇلەس قوسقان دارىندى ءانشى قاميت سانبايەۆتىڭ قايتىس بولۋىنا بايلانىستى وتباسى مەن جاقىندارىنا قايعىسىنا ورتاقتاسىپ، كوڭىل ايتامىن. قاميت اعامىز سانالى عۇمىرىندا حالقىمىزدىڭ ىستىق ىقىلاسىنا بولەنگەن، ماقتانىشىنا اينالعان «دوس- مۇقاسان» ءانسامبلىنىڭ نەگىزىن قالاۋعا، كوپتەگەن جەتىستىكتەرگە جەتۋىنە اتسالىستى. ەسىمى ۇجىم اتاۋىندا التىن ارىپتەرمەن جازىلىپ قالادى. اعامىزدىڭ ەرەن ەڭبەگى مەن ونەرگە دەگەن قۇشتارلىعى جاس ونەرپازدار ءۇشىن ۇلگى. مارقۇمنىڭ جاتقان جەرى جايلى، جانى ءجانناتتا بولسىن!» ، - دەپ جازىلعان كوڭىل ايتۋ حاتىندا.
