ا ق ش قازاقستانعا مەديتسينالىق جابدىقتار جىبەردى
بۇل تۋرالى ق ر سىرتقى ىستەر مينيسترلىگىنەن ءمالىم ەتتى، دەپ حابارلايدى قازاقپارات.
«ا ق ش قورعانىس مينيسترلىگى جانىنداعى اسكەري قاۋىپتى ازايتۋ جونىندەگى اگەنتتىگى قازاقستانعا مەديتسينالىق بۇيىمدار مەن جابدىقتاردى جولدادى. بۇل تەگىن كومەكتىڭ ىشىنە جەكە قورعانىس قۇرالدارىنىڭ كوپ رەت قولدانىلاتىن جيىنتىعى كىرەدى - كومبينەزون، ماسكا، قولعاپ، كوزىلدىرىك. كوروناۆيرۋس ىندەتىنە قارسى كۇرەس بويىنشا تىعىز ىنتىماقتاستىقتى جالعاستىرا وتىرىپ، قازاقستان سىرتقى ىستەر مينيسترلىگى، «س ق- فارماتسيا» ج ش س جانە نۇر-سۇلتانداعى ا ق ش ەلشىلىگىنىڭ وكىلدەرى گۋمانيتارلىق جۇكتى قابىلداپ الۋعا قاتىستى»، - دەلىنگەن مينيسترلىك اقپاراتىندا.
اتاپ وتىلگەندەي، «س ق-فارماتسيا» ج ش س COVID-19 ىندەتىمەن كۇرەسۋ ءۇشىن قازاقستانعا ۇسىنىلاتىن بارلىق گۋمانيتارلىق كومەكتى الۋ جانە ءبولۋ جونىندەگى ۋاكىلەتتى ورگان بولىپ تابىلادى.
