الماتىنىڭ باس سانيتار دارىگەرى ماسكانى كوشەدە ەمەس، عيماراتتىڭ ىشىندە كيۋ كەرەكتىگىن ايتتى
ى ونىڭ ايتۋىنشا، قالادا قازىر ەڭ نەگىزگى كاسىپورىندار عانا جۇمىس ىستەۋگە كىرىسكەن. باس سانيتار دارىگەر جۇمىسقا شىققان قىزمەتكەرلەرگە بارلىق ەرەجەنى ساقتاۋ كەرەكتىگىن ەسكەرتتى.
«ءبىز وتە اۋىر ينفەكتسيامەن بەتپە- بەت كەلىپ وتىرمىز. ۆيرۋس اۋا تامشىلارى ارقىلى، تۇرمىستىق بايلانىس ارقىلى، جۋىلماعان ازىق- تۇلىكپەن دە جۇعا بەرەدى. ۆيرۋس - بىرەۋ، جۇعۋ جولدارى وتە كوپ. ەڭ الدىمەن تۇرعىندارعا ءدارىحانالار مەن ازىق- تۇلىك دۇكەنىنە بارعاندا ماسكا مەن قولعاپ كيۋگە كەڭەس بەرەمىن. ساۋدا ورىندارىندا بەلگىلەنگەن قاشىقتىقتى ساقتاۋدى تالاپ ەتەمىز. قىزمەتكەرلەرگە مىندەتتى تۇردە قالتا انتيسەپتيگىن الىپ ءجۇرۋى كەرەك»، - دەيدى بەكشين.
سونىمەن قاتار ول كوشەدە ماسكا تاقپاۋعا شاقىردى. «ماسكانى تەك عيماراتتىڭ ىشىندە تاعۋعا كەڭەس بەرەمىز. بىزدە ماسكا تاپشىلىعى بولعاندىقتان، كوشەدە ماسكا تاعۋدىڭ قاجەتى جوق. ءبىز ماسكانى كوشەدە تاقساق، كەرىسىنشە ىلعالداندىرىپ جارامسىز ەتەمىز. ال ىلعالدى ورتا - ۆيرۋستىڭ كوبەيۋىنە قولايلى ورتا»، - دەدى ج. بەكشين.
اۆتور: گۇلميرا عوسمانالي
