دارىگەرلەردىڭ ۆيرۋس جۇقتىرۋى الەمنىڭ بارلىق ەلىندە بولىپ جاتىر - قىتايلىق مامان

الماتى. قازاقپارات - الماتىلىقتار كوروناۆيرۋس ينفەكتسياسىمەن لايىقتى كۇرەسىپ جاتىر.

بۇل تۋرالى قىتايلىق مامان لۋ چەن ايتتى، دەپ حابارلايدى قازاقپارات ءتىلشىسى.

قالادا قازىر قىتايدان كەلگەن مامانداردىڭ قاتىسۋىمەن ونلاين ترەنينگ باستالدى. ونلاين كەزدەسۋدەن سوڭ ولار وتاندىق دارىگەرلەردى ۆيرۋسپەن كۇرەس تاسىلىنە ۇيرەتتى. دارىگەرلەردىڭ ءبىرى لۋ چەن قازاقستاندىق ارىپتەستەرىنىڭ ەڭبەگىن جوعارى باعالادى.

«الماتىلىقتار كارانتين ۋاقىتىن تالاپقا ساي وتكىزىپ جاتىر. قالا كوشەلەرى بوس. كوپ كاسىپورىندار جۇمىسىن توقتاتقان. قازىر الەمنىڭ ميلليون تۇرعىنى بار بارلىق قالالارىندا وسىنداي جاعداي. قازاقستانعا بۇل ينفەكتسيا سىرتتان كەلگەن. ۆيرۋسپەن كۇرەس ءتاسىلى - نەعۇرلىم ەرتەرەك وقشاۋلانۋ، ەرتەرەك دياگنوستيكا جاساۋ»، - دەدى لۋ چەن.

ونىڭ ايتۋىنشا، دارىگەرلەردىڭ جاپپاي ۆيرۋس جۇقتىرۋى الەمنىڭ بارلىق ەلىندە بولىپ جاتىر.

«بىزدە دە دارىگەرلەر كوپ جۇقتىرعان. ءبىز ولاردى قورعاۋ شارالارىن نىعايتۋ ءۇشىن وسىندا كەلدىك. سىزدەرمەن وسى ينفەكتسيا جايىندا بارلىق بىلگەنىمىزبەن بولىسەتىن بولامىز»، - دەدى لۋ چەن.

ايتا كەتۋ كەرەك، بۇگىن الماتىعا قىتايدان 10 مامان Covid-19 كۇرەسۋ تۋرالى بىلىمىمەن بولىسۋگە كەلدى. دەلەگاتسيا قۇرامىندا ينفەكتسيونيست، ەپيدەميولوگ، پۋلمونولوگ جانە باسقا دا ماماندار بار.