توتەنشە جاعداي كەزىندە بيزنەسكە قانداي قولداۋ كورسەتىلىپ جاتىر

نۇر- سۇلتان. قازاقپارات – ق ر اقپارات جانە قوعامدىق دامۋ ءمينيسترى داۋرەن ابايەۆ توتەنشە جاعداي كەزىندە بيزنەسكە قولداۋ كورسەتۋ جۇمىستارىنىڭ ناتيجەسىن باياندادى، دەپ حابارلايدى قازاقپارات.

«بۇل باعىتتا ناتيجەلى جۇمىس جۇرگىزىلدى جانە بۇل جۇمىستار ءالى دە جالعاسۋدا. وعان قارجى، ۇلتتىق ەكونوميكا، ەنەرگەتيكا مينيسترلىكتەرى مەن «اتامەكەن» ۇ ك پ، ۇلتتىق بانك، اكىمدىكتەر تارتىلعان. جەڭىلدىكپەن نەسيەلەر بەرىلىپ جاتىر. ول ءۇشىن 33 ميلليارد تەڭگە قارىز ماقۇلداندى»، - دەدى مينيستر «حابار» ارناسىنداعى «اشىق ديالوگ» باعدارلاماسىندا.

الەۋمەتتىك ماڭىزى بار تاۋار وندىرۋشىلەرگە سالىق ازايتىلدى. «2020 -جىلدىڭ سوڭىنا دەيىن قوناقۇي بيزنەسى جانە تاماقتانۋ سىندى بيزنەس وكىلدەرىنە مۇلىك سالىعى توقتاتىلدى. سالىقتىق تەكسەرۋلەر مەن ەسەپتەر دە كەيىنگى قالدىرىلدى. ءبىر ميلليوننان استام سالىق تولەۋشىگە ايىپپۇلدار مەن ءوسىمپۇلداردى ءوندىرىپ الۋ توقتاتىلدى. مۇنىڭ بارلىعى - اۋقىمدى جۇمىس»، - دەدى د. ابايەۆ.

بۇعان دەيىن مينيستر ت ج كەزىندە حالىققا الەۋمەتتىك قولداۋ كورسەتۋ مەحانزيمى تۋرالى پىكىر بىلدىرگەن ەدى.