«انتيكور- ايتىستىڭ» جەڭىمپازى وسى اپتادا انىقتالادى
بۇل تۋرالى سىبايلاس جەمقورلىققا قارسى ءىس- قيمىل اگەنتتىگى اقپاراتتىق-اعارتۋشىلىق شتابىنىڭ باسشىسى ىرزا تۇرسىنزادا ونلاين رەجيمدە وتكەن باسپا ءسوز ءماسليحاتىندا ءمالىم ەتتى، دەپ حابارلايدى قازاقپارات ءتىلشىسى.
ايتىسكەر اقىندار ونلاين جۇپتالىپ بىردەن، دايىندىقسىز شىنايى ءارى ونلاين رەجيمدە سۋىرىپ سالما ونەرىن پاش ەتەدى.
بايقاۋدىڭ تاعى ءبىر ەرەكشەلىگى - سايىس سىبايلاس جەمقورلىققا قارسى تاقىرىپقا ارنالادى. 16 اقىن ءسوز دوداسىنىڭ العاشقى اينالىمىنان ءوتىپ تە قويعان.
«قازاقتىڭ سالت- ساناسىنا، بولمىسىنا جات دەرت قادالدى. ول - جەمقورلىق دەرتى. ماقسات - جالعىز اگەنتتىكتىڭ كۇشىمەن عانا توسقاۋىل بولۋ ەمەس، جەمقورلىقپەن كۇرەستى ۇلتتىق قوزعالىسقا اينالدىرۋ، ءار قازاقستاندىقتىڭ بويىندا جەمقورلىققا قارسى مادەنيەتتى قالىپتاستىرۋ.
«انتيكور- ايتىس» جوباسىن باستاپ، قازىر الەۋمەتتىك جەلىدە حالىقتىڭ العىسىن الىپ جاتىرمىز. «ۇيدە وتىرعاندا رۋحىمىزدى اسقاقتاتىپ، ەڭسەمىزدى كوتەرگەن ەرەكشە شارا بولدى» دەپ راحمەتىن ايتۋدا» ، - دەيدى ىرزا تۇرسىنزادا. ايتىس 9 ساۋىردە باستالدى. قاتىسۋشىلار بويىنشا جەرەبە تارتىلىپ، جۇپتار انىقتالدى.
19-ساۋىرگە دەيىن 1/8, 1/4 جانە 1/2 فينالدارى وتەدى. ونلاين- ايتىستىڭ فينالى بيىلعى 18 جانە 19-ساۋىرگە جوسپارلانعان. جەڭىمپازدار Antiсor_shtab_kz» Telegram»-ارناسىندا ونلاين- داۋىس بەرۋ جانە مەملەكەت جانە قوعام قايراتكەرى مىرزاتاي جولداسبەكوۆتىڭ ءتوراعالىق ەتۋىمەن قازىلار القاسىنىڭ اراسىندا داۋىستى پايىزدىق قاتىناستا ءبولۋ ارقىلى انىقتالادى.
ال اگەنتتىكتىڭ اقپاراتتىق- اعارتۋشىلىق شتابىنىڭ مۇشەسى، دانيار الدابەرگەننىڭ ايتۋىنشا، جاستار قازىر جەمقورلىقپەن كۇرەس تاقىرىبىندا قوعامنىڭ پروبلەماسىن كوتەرىپ جاتىر.
«تولە بي ون ۇشىندە تورەلىك ايتقان، قازىبەك بي ون بەسىندە داۋ شەشكەن دەگەندى ءجيى ەستيمىز. ول كەزدە دە داۋ شەشەتىن باسقا ادامدار دا بولعان شىعار. ءبىراق جاستاردىڭ سول كەزدە ەل ىسىنە ارالاسىپ، ايتقان پىكىرى سۇيكىمدىرەك بولعان. مىسالى ۇلكەن ەر ازاماتتىڭ بويىنداعى جامان مىنەزىن جاسى كىشى نەمەسە بالاسىمەن جاستى ادام ايتسا وندا ول ۇيالىپ، تىيىلۋعا ارەكەت ەتەدى. سول سەكىلدى جەمقورلىق تاقىرىبىن تەكتەن- تەككە العان جوقپىز»، - دەيدى ول.
