رەسەيدە ءبىر اپتا ىشىندە كوروناۆيرۋستى جۇقتىرۋ وقيعالارىنىڭ سانى ءۇش ەسە ارتتى
بۇل تۋرالى جەكسەنبى كۇنى جاڭا ينفەكتسيامەن كۇرەس جونىندەگى فەدەرالدىق جەدەل شتابتا مالىمدەدى، دەپ حابارلايدى قازاقپارات تاسس اگەنتتىگىنە سىلتەمە جاساپ.
تاۋلىك ىشىندە رەسەيدە 2186 ادامنىڭ ىندەت جۇقتىرعانى انىقتالدى - بۇل ءبىر كۇن بۇرىنعىمەن سالىستىرعاندا شامامەن ۇشتەن بىرگە ارتىق.
ال جالپى سانى 15770 قۇرادى، ياعني سەنبىمەن سالىستىرعاندا بۇل كورسەتكىش %16 وسكەن. وسى اۋرۋ سالدارىنان تاعى 24 ادام قايتىس بولعان. جالپى العاندا پاندەميادان كوز جۇمعاندار 130 عا جەتتى.
تاۋلىك ىشىندە اۋرۋحانادان شىققان ادامدار سانى 10 ەسە ارتتى - 246.
جالپى ىندەتتەن جازىلعاندار -1291، بۇل جالپى اۋرۋدى جۇقتىرعانداردىڭ %8,2 قۇرايدى.
ءبىر اپتا بۇرىن رەسەيدە كوروناۆيرۋستى جۇقتىرعانداردىڭ راستالعان سانى 5 مىڭنان اسقان بولسا، ال سوڭعى جەتى كۇن ىشىندە ءۇش ەسە كوبەيدى. بۇل رەتتە تاۋلىك بويى ءوسىم كورسەتكىشى وسى اپتادا %20 اسقان جوق. ازىرگە رەسەيلىك ماماندار كوز جۇمعانداردىڭ شارتتى دەڭگەيىن الەم بويىنشا ورتاشا كورسەتكىش %5-6 دان ەداۋىر تومەن دارەجەدە ۇستاپ وتىر.
