الماتىدا بۇگىن كوروناۆيرۋس انىقتالعان ەكى ەر ادامنىڭ جاعدايى اۋىر
قالادا كوروناۆيرۋس ينفەكسياسىن جۇقتىرۋعا قاتىستى جالپى 128 وقيعا تىركەلگەن. 5 جاڭا جاعداي بۇعان دەيىن COVID-19 جۇقتىرعان جەرگىلىكتى ناۋقاستارمەن بايلانىستا بولعان ادامداردان انىقتالدى. ولاردىڭ ەكەۋى - ايەل، ۇشەۋى - ەر ادام. ەكى ەر ادامنىڭ جاعدايى پوليسەگمەنتتى پنيەۆمونياعا بايلانىستى اۋىر دەپ باعالاندى.
قالعان پاتسيەنتتەردىڭ جاعدايى - قاناعاتتانارلىق. ولارمەن بايلانىستا بولعان بارلىق ادام ىزدەستىرىلۋدە، كارانتينگە جاتقىزىلادى. بۇگىندە ينفەكسيالىق ستاتسيوناردا ك ۆ ي- مەن اۋىرعان 99 ادام (1 وبلىستان) جاتىر. ونىڭ ىشىندە 4 بالا بار. 71 ناۋقاستىڭ جاعدايى قاناعاتتانارلىق، 7 ۋى - اۋىر، 21 پاتسيەنتتىڭ جاعدايى - ورتاشا اۋىر (بىرەۋى وبلىستان). كوروناۆيرۋس ينفەكسياسىنان 28 پاتسيەنت ساۋىعىپ، اۋرۋحانادان شىعارىلدى. 2 ناۋقاس كوز جۇمدى. مەگاپوليستىڭ ۋاقىتشا ورتالىقتارىندا 138 ادام بار، ولاردىڭ 9 ى - بالا، 368 ى - كارانتيندىك وقشاۋلاۋدا، 5334 ادام - ءۇي كارانتينىندە.
