ۆيرۋستى ساياسيلاندىرۋدى توقتاتۋ كەرەك – د د س ۇ
باسىلىمنىڭ حابارلاۋىنشا، اسىرەسە، ا ق ش پرەزيدەنتى دونالد ترامپ تاراپىنان اگەنتتىككە قارسى پىكىر ءجيى ايتىلىپ ءجۇر. سونىمەن قاتار ترامپ ب ۇ ۇ ءۇشىن امەريكالىق قارجىلاندىرۋدى توقتاتاتىنىن مالىمدەگەن بولاتىن. تەدروس ادحانوم ءوز سوزىندە ۆيرۋستى ساياسيلاندىرۋدى دوعارىپ، الەم ەلدەرىن ىنتىماقتاستىق تانىتۋعا شاقىردى.
«بۇعان دەيىن ترامپ د د س ۇ ارەكەتتەرى قىتايدى قولداۋعا باعىتتالعانىن ايتىپ ءمىن تاقتى. ال د د س ۇ باسشىسى ۇيىمنىڭ بارلىق ۇلتتارعا جاقىن ەكەنىن ايتتى»، - دەپ جازادى باسىلىم.
اۆتوردىڭ ايتۋىنشا، سارسەنبى كۇنى ا ق ش مەملەكەتتىك حاتشىسى مايك پومپەو د د س ۇ- نا قارجىلاندىرۋ كوزىن اكىمشىلىك قايتا قاراستىرىپ جاتقانىن، ۇيىم ءوز مىندەتتەرىن دۇرىس ورىنداۋى كەرەك ەكەنىن ايتقان.
«Covid-19 العاش رەت ۋحان قالاسىندا پايدا بولدى. د د س ۇ باسشىسى ۇيىمنىڭ قىتايمەن ۆيرۋس تابيعاتىن ءتۇسىنۋ ءۇشىن عانا تىعىز بايلانىستا بولعانىن ايتتى. تەدروس ءوز سوزىندە مەملەكەتتەر اراسىندا بىرلىك بولۋى كەرەكتىگىن ايتىپ، Covid- ءتى ساياسي كوزقاراستا پايدالانباۋعا شاقىردى»، - دەپ جازادى باسىلىم.
اۆتور: ايكۇمىس بولاتبەك