ق ر پرەزيدەنتى: كارانتين رەجيمىن ءساۋىردىڭ اياعىنا دەيىن سوزۋدى تاپسىرامىن
بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي facebook- تەگى پاراقشاسىندا جازدى دەپ حابارلايدى قازاقپارات.
وعان وبلىستار مەن رەسپۋبليكالىق ماڭىزى بار قالالاردىڭ اكىمدەرى، سونداي- اق، مەملەكەتتىك ورگاندار مەن قۇقىق قورعاۋ قۇرىلىمدارىنىڭ باسشىلارى بەينەبايلانىس رەجيمى ارقىلى قاتىستى.
«15 - ساۋىردە توتەنشە جاعداي رەجيمى تۋرالى جارلىعىمنىڭ مەرزىمى اياقتالادى. توتەنشە جاعداي رەجيمىن، كەم دەگەندە، ءساۋىردىڭ اياعىنا دەيىن سوزۋعا تۋرا كەلەتىنى قازىردىڭ وزىندە تۇسىنىكتى بولىپ وتىر. ءبىز كوروناۆيرۋسپەن اۋىرۋدىڭ شارىقتاۋ شەگىن ءالى وتكىزگەن جوقپىز. ىندەتكە قاتىستى جاعدايدى جەڭىلدەتۋگە بولمايدى. وسى سەبەپكە بايلانىستى كارانتين رەجيمىن ەلوردادا، الماتى مەن شىمكەنتتە جانە ءتيىستى وبلىستاردا ءساۋىردىڭ اياعىنا دەيىن سوزۋدى تاپسىرامىن. مۇنىڭ وڭتايلى شەشىم ەمەس ەكەنىن تۇسىنەمىن. ويتكەنى حالىق كوشەگە شىعىپ، قالىپتى تۇرمىسىن جالعاستىرعىسى كەلەدى. ءبىراق كارانتين رەجيمىن ساقتاۋدان، وقشاۋلانۋدان باسقا جول جوق. بۇل وتاندىق جانە حالىقارالىق ۆيرۋسولوگ مامانداردىڭ ۇسىنىسى» - دەپ اتاپ ءوتتى مەملەكەت باسشىسى ءوز سوزىندە.
قاسىم- جومارت توقايەۆتىڭ سويلەگەن ءسوزىنىڭ تولىق ماتىنىمەن www.akorda.kz سايتىنان تانىسۋعا بولادى.
