ەلوردا اۋەجايى توتەنشە جاعداي رەجيمىندە قالاي جۇمىس ىستەيدى؟

نۇر-سۇلتان. قازاقپارات - نۇرسۇلتان نازاربايەۆ اتىنداعى حالىقارالىق اۋەجايدىڭ جولاۋشىلار جانە جۇك تاسىمالى قىزمەتىنىڭ باسشىسى قوبىلاندى كاكىموۆ ت ج رەجيمىندە اۋەجايدىڭ قالاي جۇمىس ىستەپ جاتقانىن باياندادى، دەپ حابارلايدى قازاقپارات ءتىلشىسى.

«شەكارالار جابىلىپ، كارانتين رەجيمى ەنگىزىلسە دە، ءبىزدىڭ اۋەجاي جۇك، ترانزيتتىك جانە گۋمانيتارلىق رەيستەردى قابىلداپ جاتىر. بۇل اۋەجايدىڭ بەلگىلى ءبىر تابىس تابۋىنا، اۋىل شارۋاشىلىعى ونىمدەرىن ەكسپورتتاپ، اگروونەركاسىپتىك كەشەندى قولداۋعا مۇمكىندىك بەرەدى. بارلىق رەيستەردى ورىنداۋدا سانيتارلىق تالاپتار ساقتالادى»، - دەدى سپيكەر تىلشىلەرگە بەرگەن سۇحباتىندا.

ونىڭ ايتۋىنشا، ت ج ەنگىزىلگەن كۇننەن بەرى ەلوردالىق اۋەجاي 800 دەن استام ترانزيتتىك رەيس قابىلداعان.

«كۇن سايىن اۋەجايدا 3-4 جۇك رەيستەرى ورىندالادى. بۇل ۇشۋ كەستەسىنە بايلانىستى. تاۋلىك بويى ترانزيتتىك جۇك رەيستەرىن تارتۋ بويىنشا كوممەرتسيالىق جۇمىستار جۇرگىزىلەدى. قازاقستان اۋماعىنان ۇشىپ وتەتىن اۋە كومپانيالارىمەن بايلانىس ورناتىلدى. اۋە كەمەلەرىن قارسى الىپ، ۇشىرۋ ءۇشىن ارنايى سانيتارلىق تۇراقتار بەلگىلەندى»، - دەپ اتاپ ءوتتى اۋەجاي وكىلى.

9- ساۋىردە قىتايدان مەديتسينا ماماندارى كەلىپ، 5 توننا گۋمانيتارلىق كومەك جەتكىزىلدى. بۇل - اۋەجايعا قونعان ءتورتىنشى گۋمانيتارلىق كومەك.

«بۇعان دەيىن بىرىككەن اراب امىرلىكتەرىنەن كومەك كەلگەن ەدى. 12 تونناعا جۋىق گۋمانيتارلىق كومەك جەتكىزىلىپ، 20 توننادان استام اۋىلشارۋاشىلىق ونىمدەرى ەكسپورتتالدى. اۋەجاي كۇن سايىن شىعىندار مەن تابىسىن ەسەپتەپ وتىر. كوممەرتسيالىق دەپارتامەنت الداعى ۋاقىتتا بارلىق سيفردى جاريالايدى»، - دەدى ق. كاكىموۆ.

سونىمەن بىرگە، سپيكەر اۋەجاي قىزمەتكەرلەرىنىڭ %70 قاشىقتان جۇمىس ىستەۋ رەجيمىنە اۋىستىرىلعانىن ايتتى.

«قازىرگى ۋاقىتتا اۋەجاي قىزمەتكەرلەرى اراسىندا ەشكىم ۆيرۋس جۇقتىرعان جوق. سەبەبى، بارلىق قىزمەتكەرلەر رەيسكە قىزمەت كورسەتكەندە كارانتين تالاپتارىن ساقتايدى. رەيس پەن جولاۋشىلار كولەمى ازايعاندىقتان، ۇشۋ-قونۋ جولاعى مەن جولاۋشىلار تەرمينالىنا، اۆتوتۇراق پەن اۆتوبۋس الاڭدارىنا جوندەۋ جۇمىستارى ءجۇرىپ جاتىر»، - دەدى ق. كاكىموۆ.