ءبىرتانوۆ ۇستەمەاقىدان قاعىلعان مەديتسينالىق قىزمەتكەرلەردىڭ اقشاسىن تولەۋدى بۇيىردى

None
None
الماتى. قازاقپارات - قر دەنساۋلىق ساقتاۋ ءمينيسترى ەلجان ءبىرتانوۆ الماتىداعى بالالار جۇقپالى اۋرۋلار اۋرۋحاناسىنىڭ قابىلداۋ ءبولىمىنىڭ دارىگەرلەرىنىڭ ۇستەمەاقىعا قاتىستى شاعىمىنا جاۋاپ بەردى، دەپ حابارلايدى قازاقپارات ءتىلشىسى.

ەلجان ءبىرتانوۆتىڭ ايتۋىنشا، الماتى قالالىق قوعامدىق دەنساۋلىقتى ساقتاۋ دەپارتامەنتى مينيسترلىكتىڭ كوروناۆيرۋس ينفەكتسياسىمەن كۇرەسىپ جاتقان دارىگەرلەردىڭ ۇستەمەاقىسى تۋرالى بۇيرىعىن قاتە تاپسىرلەگەن.

ينفەكتسيالىق ستاتسيوناردىڭ دارىگەرلەرى، مەدبيكەلەر، كىشى مەديتسينالىق قىزمەتكەرلەر ۇستەمەاقى تولەنەتىن 1-ساناتتاعى تۇلعالارعا جاتادى.

«باسقارما مەن ەمحانا باسشىلىعىنا ەرتەڭ تاڭەرتەڭ قاتەلىكتى جوندەپ، بەكىتىلگەن بۇيرىققا ساي ۇستەمەاقى تولەۋدى وتىنەمىن. الەۋمەتتىك مەديتسينالىق ساقتاندىرۋ قورى باسشىلىعىنا وسى ماسەلەنى باقىلاۋعا الىپ، ورىندالۋىن قاداعالاۋدى سۇرايمىن. بۇل قولايسىزدىقتار ءۇشىن كەشىرىم وتىنەمىن. Facebook-كە قازىر قولىم جەتىپ، ارىپتەستەرىمنىڭ ءوتىنىشىن ەندى وقىدىم»، - دەپ جازدى Facebook پاراقشاسىندا ەلجان ءبىرتانوۆ.

ايتا كەتۋ كەرەك، بۇگىن الماتى كوروناۆيرۋسپەن كۇرەسىپ جاتقان مەديتسينا قىزمەتكەرلەرى ق ر د س م بۇيرىعىنا سايكەس ۇستەمەاقى الا باستادى.


سوڭعى جاڭالىقتار