داۋرەن ابايەۆ ەلباسىنىڭ دەنساۋلىعىنا قاتىستى قاۋەسەتكە نۇكتە قويدى

None
None
نۇر- سۇلتان. قازاقپارات - ق ر اقپارات جانە قوعامدىق دامۋ ءمينيسترى داۋرەن ابايەۆ ەلباسىنىڭ دەنساۋلىعىنا قاتىستى قاۋەسەتكە نۇكتە قويدى، دەپ حابارلايدى قازاقپارات ءتىلشىسى.

«بۇگىنگى تاڭدا ەل تاعدىرى تۋرالى ءسوز قوزعاساق ونداعى ەلباسىنىڭ جاڭا ءرولىن ءتۇسىنۋىمىز كەرەك. ول قاۋىپسىزدىڭ كەڭەسى مەن Nur Otan پارتياسىنداعى جۇمىسىمەن ساياساتتاعى بەلسەندى جۇمىسىن جالعاستىرىپ كەلەدى. الايدا 2019 -جىلدىڭ 19- ناۋرىزىندا ول پرەزيدەنت وكىلەتتىگىن توقتاتتى. حالىق جاڭا مەملەكەت باسشىسىن سايلادى. ءيا، قازىر ءبىز سالماقتى تەگەۋرىندەرمەن بەتپە- بەت كەلىپ تۇرمىز. ءوز وكىلەتتىگىنە بايلانىستى پرەزيدەنت قاسىم- جومارت توقايەۆ قازىرگى كۇردەلى جاعدايلارعا توتەپ بەرۋ ستراتەگياسىن ايقىندادى. ال بۇلاي بولماسا باسقا قالاي بولۋى ءتيىس؟ ەلباسى مۇندايدا كۇن سايىن جاڭا مالىمدەمە جاساۋى كەرەك پە؟ ول ءوز مارتەبەسىنە قاراماستان مۇندايعا جول بەرە قويمايتىن دانا ساياساتكەر»، - دەدى داۋرەن ابايەۆ «اشىق ديالوگ» باعدارلاماسىندا.

مينيستر سونىمەن قاتار ەلباسىنىڭ دەنساۋلىعىنا قاتىستى سىبىستاردان دا حاباردار ەكەنىن ءبىلدىردى. «بۇل رەتتە ەسىمە وسىدان 10 جىل بۇرىن، ياعني پرەزيدەنتتىڭ باسپا ءسوز حاتشىسى بولىپ تاعايىندالعان كەزدەگى ءبىر وقيعا ەسىمە ءتۇسىپ وتىر. ينتەرنەت سايتتاردىڭ بىرىندە ەلباسىنىڭ اۋىر ناۋقاس ەكەنى تۋرالى جاڭالىق جارىققا شىقتى. بۇل اقپاراتقا تاڭعالدىم. سەبەبى سول كۇنى پرەزيدەنتتىڭ توراعالىعىمەن وتىرىستاردىڭ بىرىنە قاتىسقان ەدىم. كەشكە قاراي شىداماي كەتىپ، نۇرسۇلتان ءابىش ۇلىنا وقىعان جاڭالىعىم تۋرالى ايتتىم. سول كەزدە ول ماعان: «مەنىڭ قاسىمدا قىزمەتىڭدى ەندى باستاپ جاتىرسىڭ. ءبىر دۇنيە ەسىڭدە بولسىن: بالاقتىڭ شاڭىن قاعا بەرسەڭ باراتىن جەرگە ۋاقىتىندا جەتە المايسىڭ. ونداي اڭگىمەنى تىلەۋلەس جۇرت ۋايىمداپ ايتسا، مىسىقتىلەۋ ادامدار ادەيى ايتادى. ونىڭ ءبارىن تىڭداي بەرسەڭ، جۇمىستى كىم ىستەيدى؟» دەدى. سوندىقتان وسىنداي ءار سوزگە كوڭىل بولە بەرمەيىك»، - دەدى داۋرەن ابايەۆ.

اۆتور: ايان بەكەن ۇلى

سوڭعى جاڭالىقتار