نۇر- سۇلتان مەن الماتىدا كورونۆيرۋسقا ساراپتاما الاتىن قورشاۋلار پايدا بولادى
«بۇگىنگى كۇنى ءبىزدىڭ سانيتارلىق- ەپيدەميولوگيالىق قىزمەتىمىز ەپيدەميولوگيالىق زەرتتەۋ، بايلانىستا بولعان تۇلعالاردىڭ اياسىن انىقتاۋ، بارۋ جانە ماتەريالدار الۋ بولىگىندە بارىنشا ءتيىمدى جۇمىس ىستەپ جاتىر. شاتىر نەمەسە قورشاۋ بەكەتىن قويۋدىڭ ەش قاجەتتىگى جوق» ، - دەدى ول ونلاين بريفينگ بارىسىندا. ونىڭ اتاپ وتۋىنشە، جۇيە بۇگىنگى كۇنى اتالعان بەكەتتەردى قۇرماستان- اق تالاپ ەتىلگەن كولەمدى، ۇلگىلەردى جيناۋعا قاۋقارلى.
«دەگەنمەن، مۇنداي موبيلدى بەكەتتەر قويعىسى كەلىپ وتىرعان مەتساناتتار بار ەكەندىگىن بىلەمىن. ولارعا كوپ راحمەت. ولار تاياۋ ۋاقىتتا نۇر- سۇلتان مەن الماتى قالالارىندا ورناتىلادى. سەبەبى، وسى ەكى قالادا ناۋقاستار بارىنشا كوپ تىركەلگەن»، - دەدى ارنۇر نۇرتايەۆ. سونىمەن قاتار، ول قازاقستانعا مۇنداي بەكەتتەردىڭ ۇلكەن كولەمدە قاجەت بولمايتىندىعىنا ءۇمىت ارتاتىندىعىن باسا ايتتى.